Saak 4:12 - NQAARIIT NE ROOG

¹² Roog soom cooxu wiin we kebil ke. Ten soom jegu hate fee. Ten soom waagu o mucil wiin we. Ten soom waagu o saŋik a den. Wo koy, an foogo yee o ten refo, boo hate’aa o pog of?

Saak 4:12 Referans Kwoze

O leetar ole Pool a bindna GIMU WE NGENNA ROM 14:4

An refo boo hate’aa o tag no lakas? Mee ndax a jofa a jofeer, a ƭat no yaal mbind um oo. Too sax xan oxeene a jof, yaam o Yaal oxe a jega doole faa ta geenooruuna.

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

Saak 5:9

Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»

YEGIL MBAAX NE YEESU ne Lik a bindtuuna 12:5

Xam lay a nuun oxe jarna o fitel. Mbityo a Roog fee waagna o war, soo a jeg sañ-sañ faa ta ɓekitna kam fiɗel laa ñufkeerna. Iyo, mexe layan a nuun, oxeene o mat refu oxe nu mbarna o mbit.

Ke bindeena no xe ne’eena YOB 38:2

Ndi an oo xene na sufaaltaa yuuƥ ke mi fa lay fa andand?

1 Sami’el 25:10

Nabal a doona a den ee: «An refu Dawid, ndi an refu o ƥiy onqe Isay? Ndiiki kaa jeg faɗ mayu waa na ƈuftaa no pind no yaal den.