Saak 4:10 - NQAARIIT NE ROOG

¹⁰ Neewandooxyo mbaambir Roog, ndax ta yoɗ a nuun.

Saak 4:10 Referans Kwoze

A kim a tedu ke 147:6

O Yaal oxe kaa yoɗaa ñaatu we, ndaa soxodu we o mat, kaa maafaa a den junjang.

Mace 23:12

Oxuu magnandooxna, xan a neewandel, too oxuu neewandooxna, xan a yoɗel.»

1 Piyeer 5:6

Neewandooxyo boog yoora o ɓay o jegu katil ole Roog, ndax ta yoɗ a nuun na waxtu fuu ta buguuna.

YEGIL MBAAX NE YEESU ne Lik a bindtuuna 14:11

Yaam oxuu magnandooxna xan a neewandel, too oxuu neewandooxna xan a yoɗel.»

Ke bindeena no xe ne’eena YOB 22:29

Boo Roog a yisinna o kiin, kaa o layaa yee a magnandax um taxun, ndaa pexey oo naa Roog a muclitan.

A kim a tedu ke 113:7

Ten na inaa o ñaatu xe yenna a lanq, o ndool onqe deɓeena na siind, ta yoɗatinin,

YEGIL MBAAX NE YEESU ne Lik a bindtuuna 1:52

A maafa katil no maad we, a yoɗ we neewandooxna.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

A kim a tedu ke 27:6

Ndiiki koy, fañ es we mbidaxama o kurul-keƥ, gartaam a den took. Xam ɓoxot nen sadax kam Ngenand ne no Yaal oxe xa ƈeel, xaanan soo simatan.

A kim a tedu ke 30:1

A kim a tedu laa fogna na ke Dawid oo, a jagandanel a bet ale no Mbind Roog ne.

1 Sami’el 2:9

Kaa saytooxaa we ndamooxna no ten, soxodu we o mat a saŋkooxaa kam o niɓaan ole, yaam o kiin waaganee a xoox um tus.

A kim a tedu ke 28:9

O Yaal oxe, mucli xeet of too barke we jegoona. Gayi a den too gadoox a den boo faw.

A sutax ale 10:3

Maaga, Moyiis fa Aaroon a ndalfooxa o ndet maa Firawon fee, a layin ee: «O Yaal oxe, refna Roog in, in Hebre we, kaa tee: ‹Kaa o fañkaa o neewandoox mbaambir es boo a mban? Xaƴi xeet es da ndet, a mbaɗookaam.

1 Sami’el 2:7

O Yaal oxe na roolnaa, a ci’taa halal. Ten na neewandaa o kiin mbaat ta yoɗin.

2 Caloori ke 7:14

maaga, xeet es fee ci’uuma gon es a neewandooxangaa, a nqeɗ, a mbaaƭaam, soo a mbes a cinj a ƭat a paaxeer ale den, yaaga xam nan-giloorit a den na asamaan, waasanit paakaad den soo naatandahin saax den.

Ke bindeena no xe ne’eena YOB 5:11

Kaa inaa we yenna a lanq, we naqadilooxna, ta ɓisiid a den a muc ale.

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

Heseki’el 21:26

O maad oxe Babilon oxe geenooxa no ƭat-sal ne na ƭat a ƭak ake, ndax ta ɗeetnoox. Oxe yo’naa a kas ake, a laamtaa nitaal pangool ke, a horooxaa a qeeñ muumeen.