Saak 4:1 - NQAARIIT NE ROOG

¹ Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

Saak 4:1 Referans Kwoze

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Galati 5:17

Ke cer ke nuun a yaawaa fogree fo ke Yiif le Roog a bugna, too ke Yiif le Roog a bugna a guutatira fo ke cer ke nuun a yaawaa. Mbaagraƭar neene refna a ndeer ke cer ke a yaawaa fo ke Yiif le Roog a bugna taxu nu naangee o mbi’aa ke nu mbugkoogna o mbi,

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

Saak 1:14

Kaa koy, a yuxum a paaxeer ake ndefna no xeeñ taxu o kiin a fi’aa paaxeer.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

Saak 4:3

Nu nqeɗangaa a Roog sax, ndax ta ci a nuun tig, ci’kiran a nuun, yaam a qeƭooƭ nuun faaxee. Kaa nu nqeɗaa ndax nu mbadin a yuxum nuun.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Tiit 3:9

Kaa koy, wootooxi ñimatir ƭooɗofir ke, fañ o ñimatireel o njaangooƈ, fañ o xasreel. Ba o xasir fo o kiin muk yaam kebil ke Moyiis. Keene fop kaa ref kaa jegeerna o njiriiñ, a ñak fayda.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

2 Timote 2:23

Kuuci ñimatir ƭooɗofir ke njegeerna o njiriiñ, and ee den na ƥisiidaa nqasir.