Saak 3:9 - NQAARIIT NE ROOG

⁹ Kaa i niwaa o Yaal oxe Faap in fo ɗelem in, ndaa kaa i layanaa wiin lakas we paaxeer fo ɗelem leng le itam. Yaag oo toox de, Roog saku a den no nand um.

Saak 3:9 Referans Kwoze

A kim a tedu ke 10:7

O don um kaa may fo a salax fo xa maaƥ fo naanaxir. Taamaala fo o njakad rek na hataa no ɗelem um.

A kim a tedu ke 62:4

Kaa nu mbokatoorkaa neeke boo a mban, ndax nu songaam soo maafaam, mi fee na nandtaa tabax njoyu mbaat ɓit laa na yenaa?

A kim a tedu ke 59:12

Ba o war a den ndak fo ndak, yaam ndik xeet es a mbeectong. Raaynoorti a den katil of, maaf a den, wo o Yaal oxe refna pegoor in.

Mberaand 9:6

O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

A pi ake 2:26

Ten taxu xeeñ es a may fo o ɗaay, um laltan fo a ƭelem es. Xan cer es a ñootnoox fo yaakaar,

2 Sami’el 19:21

Xaye, mi fee o tag of, andaam xil ee bakaadaam, ndaa ga’aano, no kurcala le Yoseef fop mi eetu teen o gar xetooxiidong, wo o maad oxe o yaal es.»

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

1 Korint 11:7

O koor waree o muxloox, yaam ten refu nitaal fo o ndam Roog, o tew o mat a ref o ndam no koor.

O leetar ole Pool a bindna GIMU WE NGENNA ROM 3:14

xa ton den a may fo a salax, a nqaaɗ xut,

Mace 26:74

Maaga, a dalfooxa o daaɓoox, a gaañ ee: «Ndeer es fa Roog, andiim o kiin oxeene.» Ndak fo ndak, a siik a laya.

Mace 5:44

Mi o mat, mexe layaa a nuun ee: Mbexyo fañ nuun, nqeɗanaa we na ñagadilaa a nuun.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

O baawaare xe 7:22

Andaa a paax ee wo fa xoox of sax a caf a mayu salooxaa lakas we.

A kim a tedu ke 108:1

A kim alene a kim a tedu laa fogna na ke Dawid oo.

A kim a tedu ke 71:24

O don es xan a jeepeetaa o cofel of no ñaal ke fop, yaam we mbexeyanoogaxama taamaala a seda too a seeƈaar.

A kim a tedu ke 63:4

O don es kaa ɓoxotang o ndam, yaam o mbeq of moƴu o ñoow ole.

A kim a tedu ke 57:8

Wo Roog, o laaw es a dala, kaam ee o laaw es a dala. Bugaam o xaanang soo xilmbanang.

A kim a tedu ke 51:14

Ɓoxotaam o ɗaay ole jeg’uuma, ye muclaxamoona, too ci’atinaam yiif jagandooxu.

A kim a tedu ke 35:28

Mi o mat, xan ɗelem es a yegnitaa o cofel of, soo a simatang ñaal oo ñaal.

A kim a tedu ke 34:1

A kim alaa fogna na ke Dawid oo. A feraan a cinj ye ta ɗofɗoflooxna mbaambir Abimelek boo ta raxin.

A kim a tedu ke 30:12

Suptaa ñaawax es o mbec o ɗaay. Wolanaxamo ndoki ñaawoor es soo rokanaam ndoki mboƭtir.

A kim a tedu ke 16:9

Ten taxu xeeñ es a may fo o ɗaay, o laaw es a felakinooxaa. Kaam gen no yaadax,

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

1 Caloori ke 29:10

Dawid a simata o Yaal oxe mbaambir mbokatax ne fop a lay ee: «O Yaal oxe Roog fee no taan in Isra’el a hela o simateel bo na moos boo moos.

2 Sami’el 16:5

Ye o maad Dawid a joonaa a Bahurim, o koor o ne’e Simey, a ref o ƥiy Gera too a fog na qaw ale Sawul a sutoora na saate faa, a ref no salooxaa a Dawid.

Haahate we 9:27

A ndeta na koƥ alaa, a ƥoor a ƭing taxar biiñ ake den, a nir xa biiñ axe soo a ndef no mbumbaay. A ndoka no juurand ole roog den, a ñaamaa, a yeraa soo a ndef no salooxaa a Abimelek.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

A kim a tedu ke 145:21

Fat o don es a simataa o Yaal oxe, soo mbindel nuu refna a gidim gon tedu um bo na moos boo moos.

A kim a tedu ke 145:1

A kim a niwir alaa fogna na ke Dawid oo. Roog es, o maad es, mexe niwang, simataa gon of bo na moos boo moos.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Saak 3:10

Fog es, waree o ref naaga. O don o leng kut ole i niwtaa a Roog, soo laytan paaxeer lakas we.