Saak 3:6 - NQAARIIT NE ROOG

⁶ Ɗelem nen a fiɗel a nandu, too pakaad ƥor a yipooxu. Kaa heƥandaa fiɗel laa na yaqaa cer no kiin fop. Fiɗel leene, na fiɗel laa ñufkeerna a hataa.

Saak 3:6 Referans Kwoze

Xa peƭit axe 16:27

O kiin o caree tus kaa yuuɓaa taamaala, a dal o ñuxur.

Mark 7:15

Dara no ke na rokaa no kiin, a inoor tafil, waagiran o roɗgand, ndaa ke na sutooraa no ten refu ke na roɗgandan. [

Xa peƭit axe 15:1

O doonanqol o ɓuuɓu kaa ɓoosdandaa fuux, fa lay fa ñexetu mat a umban.

YEGIL MBAAX NE YEESU ne Lik a bindtuuna 16:24

Yaa ta ga’uuna, a wuuqa yee: ‹Heey, o taan es Abraham! Ngela yirmaam! Luliidi a Lasaar, ndax ta suup nqol um na foofi, a xuƥandanaam ɗelem es, yaam kaam coono’aa lool no fiɗel lene.›

Xa peƭit axe 6:19

o seede maamaaɓ oxe na xayandaa tefee ndigil fo xe na oraa qasir ndeer o fog ole.

A kim a tedu ke 140:3

na yuuɓaa na qeeñ den paaxeer ƥor, a oraa mbaagraƭar bes fuu refna.

A kim a tedu ke 64:3

Guutatirandaam fo faan le no soxodu we, a yaj ale na combolaa, a mbi’aa njofaƭar.

3Saŋ 1:10

Feek neene a fi’tu koy, boo Roog a ɓisiidaxama, xam feedin a pi um mbaambir no fop. A jega a ƭelem a paaxeer a mayu kaa ta feranaa a in, keene deyiran ta fañ o genaraa gimu we na ngaraa, too sax a jega kaa moƴna faaxaƭar keene fop. Ten refu yee fañee o genar a den soom, a day teen, ndaa kaa xañtaa lakas we mbugna o ngenar a den ee ngenarkee o leng, soo we na ngenaraa a den, ta sut a den mbokatax ne no gimu we.

Saak 2:7

Yaal kalal ke itam na layaa paaxeer no gon faax le Yeesu Kiristaa, Roog a ci’na a nuun.

A pi ake 6:13

A ƥisiida itam seede maamaaɓ waa layna yee: «O kiin oxene koy, waaskee o wenaa Mbind Roog ne fo kebil ke Moyiis muk!

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

Mace 12:24

Yaa Farisiya waa a nanna kaaga, a layra yee: «Na pexey Belsebul fee refna o maad oxe no cini ke a raxtaa cini ke.»

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

2 Sami’el 19:43

Wiin we Yudaa a ndoona a den ee: «Ree kaa i moƴ o mbog a nuun fo o maad oxe! Xar taxu boog nu mbuux no kaa farna no keene? Ndax kaa i ngaɗ o ñoow in no maad oxe, ndi kaa i ndaawit no ten tig?»

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 18:23

O jam kaƥkatee me wo, too o ñuxur no waa na sogaa ndolnir nanitkataand na wo. Jula we wo koy moƴ’u o njeg doole na adna fee, too kaa naxtoogu qeet ke fop pan ne wo.»

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

A pi ake 20:30

A ndeer nuun sax xan a jeg waa na inooxkaa, a njangnaa xa koɓong xa ƥor, ndax da sakan a qoox den daalbe.

Yeremi 28:16

Ten taxu, o Yaal oxe a layong ee: ‹Xam raxtong took lanq ke. Xan o xon no hiid olene, yaam kaa o riñ xeet fee da siiknoor fa mi o Yaal oxe.› »

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Esayi 30:27

O Yaal oxe fa xoox um oxey garaa, a inoortiid koƭu, fuux um a raaɓaa, a nandtaa o dox o maak. Kaa fuɗɗaa fo fuux, soo fa lay um a ref fiɗel laa na raaɓaa.

A lim ale 31:16

A woora a nuun toox de yee den o mat ndeef’u xa as axe Balam, a soob Ii-isra’el we bo da ngore’aƭar no Yaal oxe, a mbaɗooxataa a Baal-Pe’oor, boo a tax taamaala a dal xeet fee no Yaal oxe.

2 Caloori ke 13:17

Abiya fo a yaj ale ten a nqawa a den a qaw a ƭomu. A mbara na den goor cuni teemeed ƥetik waa ndefna xir say.

2 Sami’el 16:20

Absalom a laya a Ahitofel ee: «Ndiiki koy, o as olum o cooxkaa a in no ke i mbarna o mbi?»

A cangatin ale 13:6

O tuleer oxeene mbaat o maɗag oxeene kaa war o warel, yaam kaa soobaa a nuun nu mbes a cinj o Yaal oxe Roog nuun, sutna a nuun no saax laa Misira, a wat a nuun no mbaƭ naa. Oxeene tuleer kaa bug o ɗapnoor a nuun a ƭat ale o Yaal oxe Roog nuun a fiisanna a nuun, ndax nu ñaaƴaa teen. Neene, xan nu mbatin paaxeer ke a ndeer nuun.

A paɗax ale 24:11

O tew oxeene Selomit a ne’’e, a ref o ƥiy Dibiri na carind ale Dan. O ƥeem kaa wen’u a Roog, a salooxin no ndaawir neene, too ndak fo ndak a ɓise maa Moyiis.

A lim ale 25:2

Weene a ƥeka a den da ñaamaa sadax ke ƥoxoteena roog ke den, soo a mbaɗooxaa roog keene.

Xa peƭit axe 7:5

Neene, xan o xox pog ke no tew o seeseeq oxe, na jeemang o naxit xa ƭelem xa ƥuuɓu.

Esayi 50:11

Nuun fop koy we na oraa o dox ole fo nuun we ƥonooxna a kas fiɗel, keeke na cungaa a nuun: A aal ake na fiɗel le nuun fo a kas fiɗel ake nuun refu muj fee o Yaal oxe a geekanna a nuun. Xan nu ñaat took fa lanq.

Saak 3:7

Wiin we a mbaaga o ndam kuu refna. A naanga o ndamaa muumeen ke fo tiiƭ ke fo ƥood ke fo liƥ ke itam.