Saak 3:5 - NQAARIIT NE ROOG

⁵ Neene a nandu no ɗelem: Ke ta neewna fop oo, a jega doole lool. Ƭeetyo o meldaand, ne ta neewitna rek! Kaa koy, a waaga o dox a koƥ a muum.

Saak 3:5 Referans Kwoze

Xa peƭit axe 18:21

Ɗelem saqu o ñoow fo fa nqon. Oxe fexna layaa xan a buq o gaf ole na fa lay um.

Xa peƭit axe 12:18

Oxe na ratataa juumaa, fa lay um kaa gaañaa nen laƥ, fa lay fee no jegu yiif we mat a ɓisiidaa o wod-fo-ɓaal.

Xa peƭit axe 15:2

Fa lay no cegu yiif oxe kaa fel o nan-gilooxel, o don no panxoy ke mat ƥooɓodaxir doŋ a layaa.

A kim a tedu ke 17:10

Dara yuɗee a den, da laytaa o nga’atinax.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

Heseki’el 28:2

«Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Dañel 4:30

Ndak fo ndak, fa lay faaga a fadnooxa. Nebukadnesaar a raxte a ndeer no wiin we, a ñoowtataa daaƭ nen qoox ke, soo liim le a yenaa took um. Wiil um kaa jigid’atu boo nen a naf a canjiik, soo paambaañ um a njigdit nen paambaañ ndiiƭ.

Ke bindeena no xe ne’eena YOB 22:17

Kaa layoogu a Roog ee: «O Cegu katil oxe, goƭi a in! Jeganiro in o njiriiñ!»

A sutax ale 15:9

O pañ oxe kaa layoogu yee: ‹Xam daab a den, dam a den, lasit paax ke da njegna boo deyƭoox. Xam woos laƥ es, o ɓay es a dal took den.›

Dañel 3:15

Ndiiki koy, xan nu nanahin a luuƥ fo a liit fo simb fo o nqilimb fo riiti fo a seeluumb fo kuu na fakteel a njibaa, too nu nanangaan, ndax xan nu njaɓ o ngung a lanq, mbaɗoox nitaal ne fi’nuuma? Nu mbañangaa, xan nu ndeɓel ndak fo ndak kam fuur faa na kaƥaa jir-jir, too yaaga roog fum na waagkaa o mucil a nuun na xa ƥay es?»

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

A sutax ale 5:2

Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»

A kim a tedu ke 39:1

O yaal a ƭat ale no jeejeek we a xoolne yee a kim alene kaa saq o jangooƭ ole Yedutun. A kim a tedu laa fogna na ke Dawid oo.

Xa peƭit axe 26:20

Xa cuuƭ a mbagangaa, fiɗel a ñuf, o ñuuñu a jegatangee, qasir a mbag.

Saak 3:4

Ƭeetaqinyo itam a kaal a maak ake: A kaal akeene a magna lool, ndaa a jega o feɗir o dutuuñ olaa andoona yee nqeñ ne a ɗomangaa sax, a kaal ale a xot me o ƈuuƴufin oxe a bugna.