Saak 3:13 - NQAARIIT NE ROOG

¹³ O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

Saak 3:13 Referans Kwoze

Galati 5:23

ƥuuɓ, too ndamoox. Keene koy, kebil leng xañtiran.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Mace 5:5

We ƥuuɓna a ƭaaya, yaam xan a lam adna fee!

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Tiit 3:2

Baa da mben o leng. Fat a ndef wiin jam, a mbod, a ƥuuɓ no fop.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

O baawaare xe 8:1

An refu o cegu yiif tigi boo a waag o tekit tig oo tig ke? O jeg-yiif ole no kiin oxe kaa letnaa a tagid um, a watnaa a kiɓax ale refna teen.

A kim a tedu ke 107:43

Oxuu jegna o and fat a dam keene too a ɓaal ke o Yaal oxe a fi’na no mbeq um.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

Saak 3:1

Fog es, baa mayu na nuun a ndiirooxaa o njangnik fa lay fee Roog, yaam nu anda yee, paam Roog, in we na njangnaa na moƴkaa o ƭomiɗ wiin lakas we hate.

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

Galati 6:4

Oxuu refna, a pi um a waru o horooxaa. A soƥangaa yee no ke ta fi’aa a jega kaa waaguuna o ɗaayand, fat a liiƥoor fa xoox um, a waas a jaambuur.

Galati 6:1

Fog we, nuun we andoona yee kaa Yiif le Roog a ref na nuun, a soƥangaa yee nu mbeta o kiin ta fi’aa kaa jageerna, fat nu lalin a ƭat yoonandtin o ɓuuɓ. Kaa koy, fat nu mbootoox a paax, yaam nuun oo nu mbaaga yenkaa na bakaad.

2 Korint 8:24

Lalityo boog kam pokatax ke no gimu we yee nu mbexa a den, ndax ke i mbakooritna a nuun mbaambir den a ref ndigil.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

Mace 21:5

«Layyo a Siyoŋ, o ndoog onqe yee: O maad of oxey a garaa me wo, kaa ɓuuɓ, too took o faam a ŋaayu, took o mol, o ƥiy no faam o jalir.»

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A kim a tedu ke 149:4

O Yaal oxe a fexa xeet um. Kaa ci’aa ñaatu we a muc ale, ta ref mosandoor den.

Ke bindeena no xe ne’eena YOB 28:28

Cinj kaaga, a laya o kiin oxe yee: «O saɗar o Yaal oxe refu o and, goƭatir fo paaxeer a ref o jeg-yiif.»

A lim ale 12:3

Moyiis koy, o koor o neewandooxu tigi a reeƭu, a moƴ o neewandoox oxuu ta waagna o ref took lanq ke.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

1 Korint 6:5

Andaa yee kaaga gaci yoo na nuun de! Yaam kaa nand nen jegee o leng na nuun oxaa jegna yiif, a waag o hate gimu ɗik waa ndaawirna.

Mace 7:24

«Yaaga koy, oxuu nanna a ƭelem akeeke um layaa, soo a reef a den, xan a nand fo o koor o cegu yiif oxaa sinjna mbind um took ɓil.

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Esayi 60:6

Xan keeleemb pagkatar a muur saax of, da ndef xa lox keeleemb axe Majan fa Eefa, a inoortiid Saba, den fop. Xan a ƥislooxiid wurus fa cuuraay, a simataa o Yaal oxe.

O baawaare xe 8:5

Oxe na reefaa kebil um jegkee naa feƭaruuna, too o cegu yiif oxe a anda bes fa mosu fo ke refna a ƭat,

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

A kim a tedu ke 25:9

Kaa ñaaƴnooraa no cofel we neewandooxna, a aqatinaa a den a ƭat um.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

1 Piyeer 1:15

Ne oxe xoyna a nuun a teditna, fat nu ndef wiin tedu kam a pesoorooƭ nuun fop,

A kim a tedu ke 122:8

Yaam fog es fo qaariit es xam lay boog ee: «Yaasam o jeg jam!»