Saak 2:9 - NQAARIIT NE ROOG

⁹ Kaa koy, nu naangangaa o samtirandaa wiin we, nuun wey na bakaad, too yaaga, kebil ke owe njambaa a nuun nen waa na ƭapaa a den.

Saak 2:9 Referans Kwoze

A paɗax ale 19:15

Ba nu ngate’it njofaƭar, mbarit o neewu doole xe mbaat o yaal doole xe, ndaa ngate’ityo o cofel.

YEGIL MBAAX NE YEESU ne Saŋ a bindtuuna 8:9

Yaa da nanna kaaga a ndalfooxa o mbojoox o leng o leng, maak we a adoox. Yeesu fo o tew oxe soom yoq’atu maaga, o tew oxe a geenoox rek.

1Saŋ 3:4

Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

YEGIL MBAAX NE YEESU ne Saŋ a bindtuuna 16:8

Boo ta garna, xan a andnoor adna fee yee na bakaad a ndefu, a lal a den o cofel, a diƈ mbaambir den hate:

YEGIL MBAAX NE YEESU ne Saŋ a bindtuuna 8:46

An na nuun waagaxam o ne bakaad faa mosuuma o fi? Um naagangaa o layaa ndigil koy, xar taxu nu ngimee na mi?

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

Galati 2:19

No ke jofna no kebil ke koy, kaam nand nen o qon oxaa andoona yee kebil ke sax mbarun, ndax um waag o ñoowan a Roog. Rengandooreem na kurwaa fa Kiristaa.

1 Korint 14:24

Kaa koy, boo fop a njo’tanaa a Roog, o kimeer a fadiid, a soƥ a den teen, xan a ga’ood ne ta nandna, ta fi nen hate no ten,

A cangatin ale 1:17

Ba nu mbarit o leng koy, yaa nu ngate’aa. Fat nu nan-giloox o mboƭomsogor onqe nen o kiin o maak oxe, too nu saɗarkee o leng, yaam Roog o mat jegu hate. A soƥangaa koy ee kaa nu njeg kaa ɗomeena o hate, fat nu ƥisiidaam o ten boo um horooxin.›

A pi ake 10:34

Maaga, Piyeer a kafa fa lay faa, a lay ee: «No ndigil koy, andaam ee Roog naagee o samtirandaa wiin we,