Saak 2:6 - NQAARIIT NE ROOG

⁶ Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

Saak 2:6 Referans Kwoze

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

1 Korint 11:22

A soƥangaa yee o fud o maak fo way rek na inaa a nuun, nu mbaagee o nday no pind nuun? Ndi boog kaa nu nqeef mbokatax ne no gimu we Roog boo mbi’aa kaa taxna ta ref a siind gaci, ndoonaa gaci took we njegeerna? Xar nu mbugu um lay a nuun? A tagas nu cungaa na mi? Koo boo muk um tagas a nuun no keene!

Xa peƭit axe 14:31

Oxe na toroxandaa o ndool onqe, kaa xeef oxe sakuuna, yirim o toroxu xe mat a ref o niw o saasak um.

A kim a tedu ke 14:6

Kaa nu njalaa yaakaar no ñaatu xe, ndaa o Yaal oxe refu njaɓnooxand um.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Saak 2:3

maaga koy, o simin o yaal toki mosu ke, layin ee: «O koor es, moofi na seek a niwnooxu lene», soo lay o ndool onqe yee: «Geenooxi mbaat o moof a lanq».

A pi ake 17:6

Kaa koy, ye da nga’eerna a den, a ndeƈ-ndeƈna a Yaason fo leng-leng no fog gimu waa boo mbaambir no aa-adax waa na teeru faa, soo a mbuuqaa yee: «Wiin weeke kaa njaxas adna fee fop, soo ndiiki da ngar meeke itam.

A pi ake 13:50

Yaawuur waa a soobooga rew maak waa saɗar’ina a Roog fo wiin maak waa na teeru faa, ndax da ñagadil a Pool fa Barnabaas, soo a ndaxit a den no fiisel den.

A pi ake 8:3

Kaa koy, Sool o mat, kaa firɓandoogu o fog ole no gimu we, a rokaa kam pind ke, a damaa gimu we, goor fo rew, a wegnooraa a den kaso.

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

O baawaare xe 5:8

Ke moƴna no saax refu yee a koƥ ale na xooxeel a jeg o maad oxaa na xoxtan.

Xa peƭit axe 22:16

Oxe na toroxandaa o ndool onqe, kaa jegnooran halal, oxe na ci’aa o yaal halal oxe, a roolnooran.

A kim a tedu ke 12:5

Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

A kim a tedu ke 10:14

Wo o mat, dara kunpa’irang. Kaa o ga’aa we na coono’aa fo we naqadilooxna, ndax o saytoorit a den o ɓay of. O ñaatu xe na wo a ɓoxotooxaa, too kaa o ƴufgaa o waan ole.

Saak 5:6

We mbi’eerna paaxeer, kaa nu ƭeganaa a den hate, mbaraa a den itam, too mbañlooxanee a nuun dara.

A pi ake 18:12

Na jamaane faaga koy, a soƥ Galyoŋ a refaa gofornoor no jegel olaa Akayi, Yaawuur we a mbokatoorana a Pool. A ƥisaan no hate’and olaa,

Habakuk 3:14

Kaa o yultaa xoox no kelfa ke no fañ we a kas ake den, yaa da mbadtiidaa nen a und, ndax da pasar a in, a njibnaa xa soroxole, a mbug o lisit o toroxu xe na pet.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

A kim a tedu ke 10:10

Kaa ƴuugaa, a ɓoodaa, soo ñaatu we a yen na xa ƥay um.

A kim a tedu ke 10:8

Kaa fogooxaa paam caate ke, a waraa na pet oxe fi’eeruuna dara, a kid um a mbelaa o ñaatu xe.

A kim a tedu ke 10:2

O soxodu xe kaa ñagadilaa ñaatu we took o nga’atinax. Kaa yenaa no yuuƥ paaxeer ke ta ɗaapna.

Ke bindeena no xe ne’eena YOB 20:19

yaam kaa toroxand o ndool onqe, a deɓin, a jaɓ pind kaa ta maxeerna.

YEGIL MBAAX NE YEESU ne Saŋ a bindtuuna 8:49

Yeesu a doona yee: «Jini damiraam de. Kaam ɓoxotaa a Faap es tedaanga rek, soo nu mbaaƭaa maa jegtuuma gaci.

Xa peƭit axe 18:23

O ndool onqe kaa ɓuuɓ fa lay, o yaal halal oxe mat o doonanqol um a ñexet.

Xa peƭit axe 22:7

O yaal halal oxe kaa maadooxaa took no rool we, oxe na rawaa a ref o paɗ no xe na rawnan.