Saak 2:5 - NQAARIIT NE ROOG

⁵ Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Saak 2:5 Referans Kwoze

Mace 5:3

«We ñakna halal yiif a ƭaaya, yaam Maat ne na asamaan den a refanu!

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

YEGIL MBAAX NE YEESU ne Lik a bindtuuna 12:21

Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Saak 1:9

Fat oxuu refna o ndool na nuun a fakoox, yaam ne Roog a yoɗuuna,

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

YEGIL MBAAX NE YEESU ne Lik a bindtuuna 16:25

Abraham a doonaan ee: ‹O ƥees, wetandooxi yee ye nu ñoowaa, daaw’aa a las of, too Lasaar o mat a coono’oogu. Ndiiki koy, oxey meeke rek a yuunaa, soo wo o mat o coono’aa.

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.

2 Tesalonik 1:5

Keene laltu deŋ hate fa njofu fee Roog, too xan a mbi a nuun laalam tigi no Maat ne ten, taxna nu toroxaa.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

YEGIL MBAAX NE YEESU ne Lik a bindtuuna 16:22

Na bes fa leng, o ndool onqe a xona, too malaaka ke a ƥisaan ta ɓopnook a Abraham. O yaal halal oxe itam a xona, a gasel.

Sakari 11:7

Gaykaam boog paal ke no teefaŋke ke mbaajoogeena o ƥis no warand, pokoox xa loq xa ƭaq axaa ne’uuma, oleeke «Yirmande», olaana «Ngiɓoor», gaytik a den paal ke.

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

Esayi 14:32

Xar na doonkeel we saax leene a lulna? Fat a ndoonel ee: «O Yaal oxe fa xoox um sinju a Siyoŋ, too teen o mat rool we na xeet um a njegitkaa ndaɗand mbooru.»

Ke bindeena no xe ne’eena YOB 34:19

Naagee o fartaa wiin maak we, jegee njektirand ndeer o yaal halal oxe fo o ndool onqe, yaam den fop kaa ndef jale na xa ƥay um.

Ke bindeena no xe ne’eena YOB 34:10

Nuun yaal-o-and we, nan-gilooxaamoo boog! Saɗaand o lay muk ee Roog kaa fi’aa paaxeer, njofaƭar leng refee no Cegu katil oxe!

A sutax ale 20:6

Kaa koy, naagaam o yirmaa boo no wiin cuni-cuni we mbexaxama, a ngayaa kebil es.

Saak 1:16

Fog es we fexuuma, ba o leng a nax a nuun.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

YEGIL MBAAX NE YEESU ne Saŋ a bindtuuna 7:48

Kaa nu mos o nga o leng no aa-adax we mbaat o leng no Farisiya we oxaa gimna no ten!

YEGIL MBAAX NE YEESU ne Lik a bindtuuna 22:29

Ten taxu mexe jagandankaa a nuun ne Faap es a jagandantaxama maat um,

Mark 7:14

Yeesu a dakooxa o xoy wiin mayu waa, a lay a den ee: «Nan-gilooxaamoo nuun fop, too andyo kene:

Sakari 11:11

A koom ngiɓoor ne a ɗegu. Teefaŋke ke ngoroogaxama a and’ata yee o Yaal oxe hebil’axam ke fi’ooguuma.

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.

Xa peƭit axe 8:32

«Ndiiki koy, xa ƥees, nan-gilooxaamoo! We na ndeefaa xa as es a ƭaaya!

Xa peƭit axe 7:24

Ndiiki koy, xa ƥees, nan-gilooxaamoo, ndung nof nuun no ke um layaa.

Ke bindeena no xe ne’eena YOB 38:14

Boo ta feedaa fop kaa suptooxaa nen ƭok toxe, soo a refat nen kaa rokeena ndoki yaxgu.

1 Maad we 22:28

Mikaya a doonaan ee: «O gatangaa fa jam de, o and ee o Yaal oxe layee fa mi.» A layahina yee: «Nuun qeet ke fop, nan-gilooxyo!»

A pi ake 7:2

Eceen a doonaan ee: «Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.

Haahate we 9:7

Yotaam a yegne kaaga. A reta a ŋaay no jul olaa no joong olaa Garisim soo a falalooxaa yee: «Nuun kelfa ke Sikeem nan-gilooxaamoo, ndax Roog a nan-giloox a nuun!

1 Sami’el 2:8

Ten na inaa o toroxu xe yenna a lanq, o ndool onqe deɓeena na siind, ta yoɗatinin, ndax ta moofin a den paam kelfa ke soo a ci a den da lam uum le no ndam onqe. O Yaal oxe jegu a toodook ake njaƭna lanq ke, too took den a diƈu adna fee.

Xa peƭit axe 13:7

Leng we kaa mbi’ooxaa jegu too njegee tus, lakas we mat a mbi’ooxaa rool too a njeg halal fa mayu.

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,