4 No wiin ɗik weene, niwaa o leng oxe, xeef o lakas oxe. O naagangaa o fi’taa neene, ndax refiro oxaa na samtaa wiin we? Ndax kaa a qalaat a paaxeer monjee a yiif nuun?
Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.
Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.