Saak 2:25 - NQAARIIT NE ROOG

²⁵ Mbetandooxyo a caga laa ne’eena Rahab: Yaa wiin waa Isra’el a lul’ina, a ngarna no mbind um, a dimle’’a a den, a lal a den a ƭat a lakas, ndax da ndaɗ. Kaaga ta fi’’ina a taxa Roog a ɗeetin nen o cofu mbaambir um.

Saak 2:25 Referans Kwoze

Hebre 11:31

O ngim tax’u boo a caga laa ne’’eena Rahab xonandoor’ee fo we nanaƭar’ina a Roog, yaam kaa dalin’u a paax we ngorooxiid’ina teeru feene.

Yosuwe 2:15

Ne mbind ne Rahab a fogna no saŋe ne na teeru fee, a reefna a den no falangteer olaa fo o tiis, da sutoox teeru fee.

Yosuwe 2:4

Kaa koy, o tew oxe kaa ɓis’u goor ɗik waa, a ɗasin a den soo a lay ee: «A woora kañ ee goor weene a ngara no mbind es, ndaa koy tax’ee um and me da inoorna.

Yosuwe 6:17

Fat teeru fee fo ke refna teen fop a yaqel no gon no Yaal oxe. Rahab, a caga le doŋ na mucilkeel fo we na ndefkaa fo ten no mbind um fop, yaam ten ɗasin’u hoohorax we i lul’ina.

Yosuwe 2:1

Yosuwe fee o ƥiy Nun a lulta hoohorax ɗik no saŋe ne den Sitiim, a lay a den da ngorook na pet saax le Kanaan fa teeru fee Yeriko. Ye weene a mbadiidna Yeriko, a ndoka no mbind na caga laa ne’eena Rahab, ndax da mbe maaga.

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

Mace 1:5

Salmoon a rim fa Rahab a Bowaas, Bowaas a rim fa Ruut a Obed, Obed a rim a Isay.

Saak 2:22

Ga’aano: O ngim onqe Abraham fo a pi um kaa yoon, too o ngim um onqeene a fadnooxa yaam a pi ake yoonna fo ten.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

Yosuwe 2:6

O tew oxe koy kaa ŋaayin’u a den no dung-took ole, a ɗasin a den kam xa pasaak axe ta juum’ina maaga.

Yosuwe 2:16

O tew oxaa a laya a den ee: «Nqotyo farna fo xa coong axaa, yaam ndik nu nqet fo daadaab we nuun. Fat nu ƭas maaga boo ñaal tadik, boo yaa we ndaaboogna a nuun a nomtooxiidna, cinj kaaga nu nqot a ƭat nuun.»

A pi ake 17:7

Yaason a dalna a den, too den fop naangee o ndeefaa ke kebil ke Kesaar fee a simitna. Kaa layaa yee a jega o maad o lakas o ne’e Yeesu.»

Saak 2:24

Fat nu and ee Roog kaa ɗeetaa o kiin nen o cofu na pi um, refee no ngim um soom.