Saak 2:21 - NQAARIIT NE ROOG

²¹ Nam Roog a ɗeetit’u a Abraham fee o taan in nen o cofu? Mee ndax na pi um a reeƭu, ye ta ɓoxotna a Isaak fee o ƥeem took o sadaxand olaa.

Saak 2:21 Referans Kwoze

YEGIL MBAAX NE YEESU ne Saŋ a bindtuuna 8:39

A ndoonaan ee: «Abraham refu faap in fe!» Yeesu a laya yee: «Nu ndeeƭangaa xa ƥiy Abraham, nu saq a pi’oorooƭ Abraham.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

Mace 12:37

Oxuu refna, fa lay um a jofanditkeel mbaat ta xawtel o ten.»

Saak 2:24

Fat nu and ee Roog kaa ɗeetaa o kiin nen o cofu na pi um, refee no ngim um soom.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

O leetar ole Pool a bindna GIMU WE NGENNA ROM 4:12

Abraham refu itam o taan no xucooxu we ndayeerna no nquc soom, ndaa a ñaaƴaa na ƭooqlaand ale no ngim onqe o taan in Abraham a jeg’ina yaaga xucooxafulee.

O leetar ole Pool a bindna GIMU WE NGENNA ROM 4:1

Xar i laykaa boog na Abraham fee o taan in? Xar a daawu nen o kiin?

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

A pi ake 7:2

Eceen a doonaan ee: «Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.

YEGIL MBAAX NE YEESU ne Saŋ a bindtuuna 8:53

Ii, wo hupu o taan in Abraham fee xonna? Duleer we sax a nqona! Ndi mam doono a xoox of?»

YEGIL MBAAX NE YEESU ne Lik a bindtuuna 16:30

Maaga, a doona yee: ‹O taan es Abraham! Keene soom deyee! Kaa koy, boo o leng no xon we a retna maaga, xan a mbes pakaad den a cinj.›

YEGIL MBAAX NE YEESU ne Lik a bindtuuna 16:24

Yaa ta ga’uuna, a wuuqa yee: ‹Heey, o taan es Abraham! Ngela yirmaam! Luliidi a Lasaar, ndax ta suup nqol um na foofi, a xuƥandanaam ɗelem es, yaam kaam coono’aa lool no fiɗel lene.›

YEGIL MBAAX NE YEESU ne Lik a bindtuuna 1:73

a reefandin no ke ta daaɓoox’ina fa Abraham fee o taan in.

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

Yosuwe 24:3

Sutaam o taan nuun Abraham no saax le kaltaa Ofrat, ɗoxin muu refna kam saax le Kanaan soo ci’in xa taan xa mayu. Kaam ci’in a Isaak,

Hebre 11:17

O ngim tax’u Abraham a ɓoxot a Isaak fee o ƥeem nen sadax, ye Roog a ɗeetlooxan. Abraham feene o mat, Roog a coox’u ndegit ne, ndaa yaqanee ta fapooxan o ƥiy o leng kut onqe ta jeg’ina, ndax ta ɓoxotin nen sadax.