Saak 2:19 - NQAARIIT NE ROOG

¹⁹ Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

Saak 2:19 Referans Kwoze

YEGIL MBAAX NE YEESU ne Lik a bindtuuna 4:34

«Heey Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

Mark 1:24

a lay ee: «Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

A pi ake 16:17

O mbindaand onqeene a reefanooga a Pool fa in, too a falalooxaa yee: «Goor weeke faɗ Roog fee Took-ee-took a ndefu! Kaa yegnaa a nuun a ƭat ale na muc ale.»

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

Galati 3:20

O ndok-a-ndeer koy, a ndeer no ɗik a mosu mos o refaa. Roog o leng oo. Yaaga koy, o ndok-a-ndeer soxla’aand.

Esayi 44:8

Ba nu ndiid, too ba nu send. Ndax kaa nannoorinum a nuun soo yegnin a nuun yaaga? Nuun ndefu seede es. Ndax a jega roog fa lakas faa jolna mi? Jegee ɓil jaɓnooxand lakas, mi o mat andinum.»

A pi ake 19:15

Kaa koy, jini faa a doona a den ee: «Andaam a Yeesu, too andaam a Pool itam, ndaa nuun o mat, aniin nu ndefu?»

Mark 5:7

too a wuuq a maak ee: «Wo fee refna o Ƥeenqe no xe Took-ee-took, xar i nqetu? Waay waay, ɗeeti a Roog, fañaam o xijil.»

Sakari 14:9

A koom, o Yaal oxe xan a maadoox took lanq ke fop. Ten soom na bugko faɗooxeel, gon um doŋ a ƴufginooreel.

Esayi 46:9

Mbetandooxyo cosaan fee nuun no miñu kaa. Mi refu Roog, jegee fa lakas. Mi refu Roog, too jegee faa nandna fa mi.

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

Esayi 43:10

O Yaal oxe kaa tee: «Nuun ndefu seede es, ndef o tag es oxe jiluuma. Ke buguuma refu nu and, ngim too njaɓ ee mi yoo. Jegee roog fa lakas faa adooxaxama, too jegkee fa lakas faa reefanaxama.

1 Timote 2:5

Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

Mark 12:29

Yeesu a doonaan ee: «Oxene refu eetaand ne: ‹Wo Isra’el, nan-gilooxi! O Yaal oxe Roog in soom refu o Yaal oxe.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Esayi 45:6

Neene, xan ke xotitna no batand boo a sip no mudand a and ee kaa jolaxama jegee dara. Mi refu o Yaal oxe, too jegee o lakas.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

Saak 2:8

Nu naangangaa o ndeefaa kebil maak ne Roog layna yee: «Fexi o kend of ne fextoona a xoox of» nu mbi’a paax.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Mark 7:9

A layahina a den ee: «Nu anda a paax ne nu mbarna o ñufit kebil ne Roog, ndax nu mbaag o ngeek o mbaax onqe nuun.

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

Yoona 4:4

O Yaal oxe a doonaan ee: «Jegiro kaa fuuxoona!»

Yoona 4:9

Roog a laya a Yoona yee: «Ndax jegaa kaa fuuxantoona mbatarpooli nene?» Yoona a doonin ee: «Jegaanum moos, waraam o fuux boo na fa nqon!»