Saak 2:18 - NQAARIIT NE ROOG

¹⁸ Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

Saak 2:18 Referans Kwoze

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

Saak 2:14

Fog es, o kiin a layangaa yee a gima na Roog, too naagee o fi’aa a pi a paax, ndax kaaga a waagaan o mucil?

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

O leetar ole Pool a bindna GIMU WE NGENNA ROM 14:23

Kaa koy, oxe na jaageejaa yaa ta bugna o ñaam tig, xan Roog a xawin cinj a ñaam aleene, yaam ne ta fi’teeruuna fo o ngim. A pi aluu yooneerna fo o ngim, bakaad oo.

Hebre 11:31

O ngim tax’u boo a caga laa ne’’eena Rahab xonandoor’ee fo we nanaƭar’ina a Roog, yaam kaa dalin’u a paax we ngorooxiid’ina teeru feene.

Hebre 11:33

O ngim tax’u weene a ngef a saax, a mbi’aa ke jofna, too a ndaaw’a ke Roog a regit’ina. A muɓnoorooga cogoy itam.

Hebre 11:6

O leng waagee o fel a Roog, too jegee o ngim. Yaaga boog, oxuu na mataa a Roog, a wara o gim ee Roog a jega, too kaa rabdaa we na mbaaƭan.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

O leetar ole Pool a bindna GIMU WE NGENNA ROM 3:28

I anda yee, o kiin, na pexey o ngim a joftu mbaambir Roog, ndaa refee yaam ne ta reefaa ke kebil ke a simitna.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

O leetar ole Pool a bindna GIMU WE NGENNA ROM 4:6

Neene itam Dawid a laya yee oxe Roog a ɗeetna nen o cofu, too refee yaam ne ta fi’aa a pi a paax, a ɗaaya.

O leetar ole Pool a bindna GIMU WE NGENNA ROM 9:19

Xeƈa xam laamtel boog ee: A reftangaa neene, xar Roog a jegu kaa ta ne’na no wiin we? Yaam kaa andiim oxe waagna o xox ke Roog a bugna.