Saak 2:14 - NQAARIIT NE ROOG

¹⁴ Fog es, o kiin a layangaa yee a gima na Roog, too naagee o fi’aa a pi a paax, ndax kaaga a waagaan o mucil?

Saak 2:14 Referans Kwoze

YEGIL MBAAX NE YEESU ne Lik a bindtuuna 6:49

Oxe na nanaa fa lay es koy too reefiran, kaa nand fo o koor oxaa sinjna mbind um kam mbuuƴ ne, too adnaniran a ƥil. Ye ndiig ne a garna, a qaandiind ake fo a und ake a ngoma mbind ne ta yen, too njom ne a magna lool.»

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

2 Piyeer 1:5

Yaam keene sax, ngoorgoorlooxyo nuun fop, ndax nu ƥaat no ngim onqe nuun a pesoorooƭ a paax, soo na pesoorooƭ a paax nuun nu ƥaat teen o and.

Saak 2:26

Ten taxu, ne njer njegee ñoot a xonitna, neene a nandu no ngim onqe yooneerna fo a pi. Ten itam kaa xon.

Hebre 11:17

O ngim tax’u Abraham a ɓoxot a Isaak fee o ƥeem nen sadax, ye Roog a ɗeetlooxan. Abraham feene o mat, Roog a coox’u ndegit ne, ndaa yaqanee ta fapooxan o ƥiy o leng kut onqe ta jeg’ina, ndax ta ɓoxotin nen sadax.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

A pi ake 8:21

Jegiro a las mbaat cer no keene, yaam xeeñ of kaa jofaƭar mbaambir Roog.

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

A pi ake 15:9

Roog koy, fi’ee njektir leng a ndeer in fa den, yaam o ngim a xoolandtu a qeeñ den.

Saak 2:16

soo o leng na nuun a layin ee: «Reti fa jam, raƭook! Yaasam o jeg ñaamel!» soo a fañin o coox ke ta soxla’na no cer um, xar kaaga a ɗaxu?

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

A pi ake 8:13

Simoŋ fa xoox um sax a gima, too a batiise’e itam. No kaa xotitna no kaaga, goƭoogatee a Filip, too a jaaxiɗ’a ye ta ga’na xa anddiloor xa maak axe fo a pi katil ake njegoogna.

Yeremi 7:8

Kaa koy, kaa nu ngooloox fa lay fa maamaaɓ faa ɗaxeerna dara.

1 Korint 16:22

Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

O leetar ole Pool a bindna GIMU WE NGENNA ROM 2:25

A woora o mat ee nquc of a jega o njiriiñ yaa o reefaa kebil ke Roog, ndaa boo ɗapoona a den, nquc of kaa nand fo nqucooxaƭar.

YEGIL MBAAX NE YEESU ne Lik a bindtuuna 3:11

Saŋ a doona a den ee: «Oxuu jegna toki ƭik, fat a coox teen leng oxe jegeerna, oxe jegna kaa ta ñoowitna, a xaajir fo xe jegeerna.»

Saak 1:16

Fog es we fexuuma, ba o leng a nax a nuun.