Saak 2:13 - NQAARIIT NE ROOG

¹³ Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Saak 2:13 Referans Kwoze

Mace 5:7

We njegna yirmande a ƭaaya, yaam xan Roog a yirim a den!

Mace 6:15

Kaa koy, nu naangangee o mbaasantaa, Roog Faap nuun itam waasankee a nuun ke nu tooñuuna.»

Xa peƭit axe 21:13

Oxe na suxlooxaa ƈufginax no ndool onqe, xan a ƴufginoox ten fa xoox um, too jaaɓkaand.

YEGIL MBAAX NE YEESU ne Lik a bindtuuna 6:37

«Ba nu ngate’aa wiin we mbaat Roog ñakkee o hate’aa a nuun. Ba nu ƥanjaa o leng mbaat Roog ñakkee o ɓanjaa a nuun. Naangyo mbaasantaa, too yaaga xan Roog a waasanaa a nuun.

A kim a tedu ke 18:25

Ten taxu o Yaal oxe a rabdaxam o cofel es, a saɗgaam na pesoorooƭ es a paax.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

A kim a tedu ke 85:10

A woora yee a muc um oxe paam no we saɗaruuna, too xan o ndam onqe a gen no saax in.

Yeremi 9:24

O Yaal oxe kaa tee: «Ñaal key a ngaraa kaa um dalkaa took we nqucooxna no cer,

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Mberaand 42:21

A layra a ndeer den ee: «Ga’na rek, kene kaa dal a in yaam ke i mbi’na o pog faap oxe in. I nga’a naqad um ye ta xeɗooxaa a in, ndaa i mbug’iran o nan-giloox! Ten taxu xaye in wey na naqad.»

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

YEGIL MBAAX NE YEESU ne Lik a bindtuuna 16:25

Abraham a doonaan ee: ‹O ƥees, wetandooxi yee ye nu ñoowaa, daaw’aa a las of, too Lasaar o mat a coono’oogu. Ndiiki koy, oxey meeke rek a yuunaa, soo wo o mat o coono’aa.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

2 Caloori ke 28:11

Ndiiki koy, nan-gilooxaamoo a paax too nomit fog nuun weeke nu ƥisiidna took o hup doole, yaam fuux ɗomu le Roog oxey took nuun.»

Xa peƭit axe 22:16

Oxe na toroxandaa o ndool onqe, kaa jegnooran halal, oxe na ci’aa o yaal halal oxe, a roolnooran.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Haahate we 5:27

A berengooxa na caf Ya’el, a yen, a firkiloox a lanq. A berengooxa na caf um, a yen. Me ta berengooxna, a yen maaga, a xona.