Saak 2:10 - NQAARIIT NE ROOG

¹⁰ A soƥangaa koy sax ee o kiin a fadna kebil ke Roog fop boo ta yoq leng, yaaga a ɗapa ke yoqna fop.

Saak 2:10 Referans Kwoze

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

A cangatin ale 27:26

‹Oxuu reefeerna kebil keene fop, a fañ o ñoowit ne da njangnituuna, a halakooxa!› Fat xeet fee fop a ndoon ee: ‹Amiini!› »

Galati 5:3

Kaam bug o ɓaat o maƭoox a nuun ee oxuu xucnoorna a xoox um yaam Roog, a wara reef kebil lakas ke Roog fop.

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.