Saak 1:9 - NQAARIIT NE ROOG

⁹ Fat oxuu refna o ndool na nuun a fakoox, yaam ne Roog a yoɗuuna,

Saak 1:9 Referans Kwoze

Xa peƭit axe 19:1

O ndool onqe woorna moƴu a fanxoy fee na layaa naanaxir.

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

YEGIL MBAAX NE YEESU ne Lik a bindtuuna 1:52

A maafa katil no maad we, a yoɗ we neewandooxna.

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

A kim a tedu ke 62:9

Nuun xeet fee, ngoolooxeenoo na waxtu fuu refna, ndoxneenoo ke fidna a nuun. Roog refu njaɓnooxand in. A maaf

A cangatin ale 15:11

Rool ñakkee kam saax le nuun. Ten taxu um hebil a nuun, nu letnan xa ƥay nuun fog nuun toroxu weene ndoolna.»

A cangatin ale 15:9

Fat nu mbootoox koy o njeg a qalaat a paaxeer yaam layaa taa kam nuun ee: ‹Ndiiki o hiid o ɓetuu ɗikandeer ole a gar, o hiid ole na baasan ale na xa lad axe.› Baa keene a tax nu ƭeet o pog nuun o ndoolu a ngid a pariƴ, tee kaa nu mbañan o ci tig. Maaga, a loolookangaan me no Yaal oxe yaam nuun, nuun ngadooxkoogu bakaad fee.

A cangatin ale 15:7

A soƥangaa koy ee o leng no fog nuun Ii-isra’el we kaa ref o ndool no leng no teeru ke no saax le o Yaal oxe Roog nuun a ci’na a nuun, ba nu ngiɓanin a tagid nuun too ba nu ŋookanin o ɓay nuun,

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

1 Sami’el 2:8

Ten na inaa o toroxu xe yenna a lanq, o ndool onqe deɓeena na siind, ta yoɗatinin, ndax ta moofin a den paam kelfa ke soo a ci a den da lam uum le no ndam onqe. O Yaal oxe jegu a toodook ake njaƭna lanq ke, too took den a diƈu adna fee.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

YEGIL MBAAX NE YEESU ne Lik a bindtuuna 14:11

Yaam oxuu magnandooxna xan a neewandel, too oxuu neewandooxna xan a yoɗel.»