Saak 1:4 - NQAARIIT NE ROOG

⁴ O saƭkel oleene koy, a hela o feeñ bo ta dey no ñoow nuun, ndax nu ñak sik, soo ndey. Yaaga nu ñakkee dara.

Saak 1:4 Referans Kwoze

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

Mace 5:48

Fat nu ñak sik boog ne Faap nuun fee na asamaan a ñakitna sik.»

2 Timote 3:17

ndax o kiin Roog oxe a dey, too a jofnoox na pi a paax.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

A kim a tedu ke 40:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

Xa peƭit axe 4:8

Fi’een cegu njiriiñ, too xan a yoɗong, farakooxin, ta ci’ong o ndam.

2 Piyeer 1:9

Kaa koy, oxuu jegeerna a den, kaa nand fo o puul. Kaa ref oxaa o ga um a raƥna, ta weecit ee Roog a xooland’aan no pakaad um yaaga.

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

Mark 10:21

Yeesu a ɗeetaan fo o mbeq, a layin ee: «Yoqɗaa tig leng kut: Reti jikoox ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam!»

Mace 19:20

O fes olaaga a layaan ee: «Reefaam keene fop, xar yoqɗatum koy?»

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.