Saak 1:26 - NQAARIIT NE ROOG

²⁶ O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

Saak 1:26 Referans Kwoze

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

A kim a tedu ke 141:3

O Yaal oxe, yetooxi o don es, gay muuceek es a paax.

1 Piyeer 3:10

«A soƥangaa boog ee o kiin kaa bug o fex o ñoow ole, soo a jeg ñaal baneex, fat a gay ɗelem um boo laykee paaxeer, a gay muuceek um itam na ƭelem a naanax.

Efees 5:4

Ba nu layaa fa lay fa njegee xoox mbaat a ƭelem a cednooxu mbaat a caaxaan. Kaa nu mbar o ƥoxotaa a Roog o ngidim kañ.

Xa peƭit axe 19:1

O ndool onqe woorna moƴu a fanxoy fee na layaa naanaxir.

A kim a tedu ke 34:13

Oxuu waagoona o ref, o fexangaa o ñoow ole too bug o xuuɗ, ñoowaa no ɗaay,

Xa peƭit axe 10:31

O don no cofu xe kaa sutaa o jeg-yiif, ɗelem naanaxir le mat a ɓoleel.

Xa peƭit axe 10:19

Oxe o don um a yuuraa ñakkee o bakaad, oxe na harnaa ɗelem um o mat o kiin o ƈiƴu yoo.

Kolos 4:6

Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

Xa peƭit axe 16:25

Jaaku kaa mboog ee a ƭat a paax ale a nqotu, kaa koy, na ƭat ale na ɓisaa na fa nqon a ndefu.

YEGIL MBAAX NE YEESU ne Lik a bindtuuna 8:18

«Mbootooxyo boog ne nu nan-gilooraa, yaam oxe jegna xan a ci’el, ndaa oxe jegeerna koy, o ndik onqe ta foogna yee ten a jegu, xan a jaɓel.»

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

Xa peƭit axe 14:12

Jaaku kaa mboog ee a ƭat a paax ale a nqotu, kaa koy, na ƭat ale na ɓisaa na fa nqon a ndefu.

A cangatin ale 11:16

Fat nu mbootoox o ƭooqlooxel boo ngoƭ o Yaal oxe, mbaɗooxaa roog lakas, ngungaa mbaambir den.

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

Mark 7:7

Ne da ndeeftaxam jegee o njiriiñ, yaam kaa njangnaa kebil kaa ngatna no wiin we.›

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

Xa peƭit axe 21:26

No ñaal ne fop kaa yaawaa, o cofu xe mat a ci’taa no fud o letu.

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

Mace 15:9

Ne da ndeeftaxam jegee o njiriiñ, yaam kaa njangnaa kebil kaa ngatna no wiin we.› »

Malaki 3:14

Kaa nu layaa yee: «O faɗoox a Roog kasaara yoo. Kaa i ndeefaa bargal ke ten, ñaaƴaa fa naqad mbaambir no Yaal oxe Hupna fop, ndaa jiriiñee a in dara.

Esayi 1:13

Mbaasyo sadax ke nu ƥisiidaxam, ƭaxee dara. Cuuraay fee nu sadaxtaa feliraam tus. Mbaasyo toofeen ke nu mbi’aa no nqool o ndeɓ mbaat no pes a ñootnax ke mbaat no qew lakas ke. Saɗiim o ga a paɗax alaa yoonna fo njofaƭar.

1 Korint 15:15

In sax, in ndefu we na seede’anaa a Roog na xa maaƥ, yaam kaa i layaa yee Roog a xontooxnoora a Kiristaa, too fi’iran, yaa a qontax a jegeerna.

Xa peƭit axe 16:10

O maad kaa laytaa nen a Roog, naagee juumaa, yaa ta hate’aa.

Xa peƭit axe 15:2

Fa lay no cegu yiif oxe kaa fel o nan-gilooxel, o don no panxoy ke mat ƥooɓodaxir doŋ a layaa.

A kim a tedu ke 32:9

Ba nu nand fo pis mbaat fo perkele ƥodaxu ke na ngarniteel a laxaaɓ fo o birdoŋ soom mbaat nqotkee a ƭat.

Saak 2:20

Wo soo ref kulfeñ! Andiro sax ee o ngim onqe yooneerna fo a pi kaa xon?

Galati 3:4

Ndax ke nu ƭeetlooxeena fop, kasaara a refkaa? Ha’aa o mat, refkiran.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

Ke bindeena no xe ne’eena YOB 15:13

Me ta refna koy, Roog o mat fuuxano soo ratataa juumaa neeke.

Ke bindeena no xe ne’eena YOB 30:11

Feek Roog kaa fudin a qali es, a neewandaam, a mbaagataxam o song fa doole.