Saak 1:25 - NQAARIIT NE ROOG

²⁵ Oxuu doonna a kid um no kebil ndeyu ne Roog na wataa wiin we, a saƭik teen, a gayan, a fañ o weec ke ta nanna, xan Roog a barke’in yaam ke ta fi’na.

Saak 1:25 Referans Kwoze

YEGIL MBAAX NE YEESU ne Lik a bindtuuna 11:28

Maaga, Yeesu a doonaan ee: «We na nan-gilooxaa fa lay fee Roog, soo a ngayan kañ ƭaayu!»

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

Saak 2:12

Ten taxu, mexe layaa a nuun ee: No ke nu layaa fo ke nu mbi’aa fop, andyo yee xan Roog a hate a nuun a reefandin no kebil ne watna a nuun.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

2 Korint 13:5

Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

Xa peƭit axe 14:15

Oxe raƥna yiif, kuu ta layeena a gimin, o kiin o teeyu xe mat a xalaataa soo a fi’kaa.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

YEGIL MBAAX NE YEESU ne Saŋ a bindtuuna 8:36

Yaaga koy, boo o Ƥeenqe a watna a nuun, xan nu njeg a qoox nuun tigi.

A kim a tedu ke 106:3

We na ndeefaa a ƭat, a ngen no mbi’aa cofu, a ƭaaya.

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

1 Timote 2:15

Kaa koy, xan a muc na pexey o ƥiy onqe reefandteena no ten. Yaqanee koy, a wara o saƭik no ngim onqe, a yelef, a saq o mbeq, a gen no tedel.

O leetar ole Pool a bindna GIMU WE NGENNA ROM 7:12

Neene, kebil ke Roog kaa ted, soo kebil ne fa xoox um a ted, a jof, soo a faax.

A pi ake 26:22

Kaa koy, Roog a saytooxaxam boo no ñaal ne xaye, too mexey meen ndax um seede’aa fop, wiin maak we fo we neewna doole. Laytiim lakas koy, a refangee ke duleer we fa Moyiis a layna, too ta war o xew, ta ref ee:

A pi ake 13:43

Ye mbokatax naa a tasna, Yaawuur mayu fo waa tuub’ina na ƭat ale no Yaawuur we a ndeefana a Pool fa Barnabaas. Neene koy, Pool fa Barnabaas a njeetaayooga fa den, soo a saƭakinaa a den, ndax da ndamoox na yirmande fee Roog.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

A kim a tedu ke 119:45

Kaam ñaaƴaa fo o laaw o dalu, yaam bargal of um widaa.

A kim a tedu ke 119:32

Kaam ƴufaa na ƭat ale no kebil of, yaam dalnaa o laaw es.

1 Sami’el 12:14

Boo nu saɗarna o Yaal oxe, mbaɗooxin, nan-giloox o ñuxur um, mbañ o nanaƭar kebil ke ten, nu ndeefangaan, nuun fo o maad oxe nuun, xan fop a faax.

Mbeeñil 22:14

We na ndapaa toki den, ndax da ci’el a ñaam o rim ole no ndaxar ne no ñoow ole, a ndoktaa na xa ton-maax axe na teeru fee, a ƭaaya.

1Saŋ 2:24

Yaasam fa lay fee nu nanna no mberaandoong naa a gen na nuun. Boo ke nu nanna no mberaandoong naa a maadna o genaa na nuun, xan nu ngen no Ƥeenqe fo na Faap fee.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.