Saak 1:21 - NQAARIIT NE ROOG

²¹ Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

Saak 1:21 Referans Kwoze

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

A kim a tedu ke 25:9

Kaa ñaaƴnooraa no cofel we neewandooxna, a aqatinaa a den a ƭat um.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

Tiit 2:11

Yirmande fee Roog a feeñle, ndax ta ref a cur a muc no wiin we fop.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

Hebre 4:2

Yaam in fop, i nana Yegil mbaax ne, ne waa ndeeƭna na koƥ-a-ƥor alaa a nanit’uuna. A nan’a yegil neene, ndaa jiriiñ’ee a den dara, yaam kaa da nanin, ndaa ngimiran.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

YEGIL MBAAX NE YEESU ne Saŋ a bindtuuna 6:68

Simoŋ Piyeer a layaan ee: «O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Esayi 30:22

Xan o ɗeet nen qoolaƭaru xaaliis fee muurna nitaal sexe ke wo fa wurus fee xa taaƴ xa cawe xe wo a soobteena. Xan o ɓax a den nen ƭaaq, lay a den ee: ‹Acayo tafil!›

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

1 Piyeer 1:9

yaam xan nu ndaaw ke refna o rim no ngim nuun, ta ref a muc nuun.

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

A pi ake 10:33

Ndak fo ndak, luliidaam o kiin farna fa wo, too fi’aa paax yaam garaa! Ndiiki koy in fop, in wey mbaambir Roog, ndax i nan-giloox ke o Yaal oxe a hebloonga o layin a in.»

Mace 5:5

We ƥuuɓna a ƭaaya, yaam xan a lam adna fee!

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

Efees 5:4

Ba nu layaa fa lay fa njegee xoox mbaat a ƭelem a cednooxu mbaat a caaxaan. Kaa nu mbar o ƥoxotaa a Roog o ngidim kañ.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.