Saak 1:19 - NQAARIIT NE ROOG

¹⁹ Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

Saak 1:19 Referans Kwoze

Xa peƭit axe 17:27

Oxe na harnaa fa lay um o yaal yiif oo, oxe fodna o mbid a ref o kiin o ƈiƴu.

Xa peƭit axe 21:23

Oxe na damaa o don um fo ɗelem um kaa guutatirandaa a xoox um fa naqad.

Xa peƭit axe 14:29

Oxe yooɓeerna fuux kaa jeg yiif, oxe matna xeeñ o mat kaa laltaa mbanxoy um.

Xa peƭit axe 10:19

Oxe o don um a yuuraa ñakkee o bakaad, oxe na harnaa ɗelem um o mat o kiin o ƈiƴu yoo.

Xa peƭit axe 18:13

Oxe na doonaa too nan-gilooxee boo a and, nen a fanxoy a ɗeeteel soo a dooneel gaci.

Xa peƭit axe 13:3

Oxe waagna dam o don um kaa gayaa o ñis um, oxe o don um a yuuraa mat a ƴufanaa a saŋkax um.

Xa peƭit axe 16:32

Oxe niidna o fuux moƴu a salma-koor, oxe waagna harin a xoox um a moƴ oxe na jaɓaa teeru.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

Xa peƭit axe 15:18

Oxe matna xeeñ kaa oraa qasir, oxe niidna fuux o mat kaa xafaa ndaawir.

Kolos 3:8

Ndiiki koy, mbesyo keene fop ndiiñ, mbañ fuux fo mbañir fo coxod fo a ben fo fa lay fa mbaaxeer a sutooraa na nuun.

Efees 4:31

Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!

Xa peƭit axe 18:21

Ɗelem saqu o ñoow fo fa nqon. Oxe fexna layaa xan a buq o gaf ole na fa lay um.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

Xa peƭit axe 19:11

Oxe jegna yiif yooɓee o fuux, qaaƴoor um a ref o ñak o dam tooñ.

Xa peƭit axe 15:2

Fa lay no cegu yiif oxe kaa fel o nan-gilooxel, o don no panxoy ke mat ƥooɓodaxir doŋ a layaa.

Xa peƭit axe 25:28

Teeru fa njegee saŋe faa naagna hundang fo o kiin oxe waageerna harin a xoox um mbodu.

Xa peƭit axe 14:17

Oxe yooɓna fuux kaa fi’aa ƭooɗofir, o yaal yuuƥ paaxeer a qicanaa a xoox um mbañir.

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

Xa peƭit axe 17:14

O fer nqasir kaa ref o balin paŋ. Waaseen boo a ñoq a helko fo jegaa!

Saak 1:26

O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

YEGIL MBAAX NE YEESU ne Lik a bindtuuna 19:48

Kaa koy, njeg’ee pexey naa da mbi’tuuna, yaam xeet faa fop kaa ndeeroogun cay, a nan-gilooxan.

Mark 2:2

Wiin mayu a mbokatoora boo o leng jegatee maa ta geenooxna, refee tafil sax mbaambir o don-maax ole. Yeesu kaa waare’oogu a den.

Xa peƭit axe 19:19

Oxe fuux a adnaa kaa maaleel, a xeɗooxanange yoo, xan a nomtoox teen.

A pi ake 10:33

Ndak fo ndak, luliidaam o kiin farna fa wo, too fi’aa paax yaam garaa! Ndiiki koy in fop, in wey mbaambir Roog, ndax i nan-giloox ke o Yaal oxe a hebloonga o layin a in.»

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

YEGIL MBAAX NE YEESU ne Lik a bindtuuna 15:1

We ndabdinooxoogna juuti fo lakas we wiin we a ƭeetoogna nen baabakaad a ngara me Yeesu ndax da nan-gilooxin.

Nehemi 9:3

A ngeenooxa, a njanganeel no safe le no kebil ke no Yaal oxe Roog den boo baxtu tadik. Cinj kaaga, a mbaasnooxooga pakaad den boo baxtu tadik lakas kaa da ngungna mbaambir no Yaal oxe Roog den.

1Saŋ 2:21

Bindaam a nuun, refee yee yaam nu andee ndigil ne, ndaa ne nu anduuna. Nu anda itam ee o maaɓ o leng inoorkee no ndigil ne.

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

Mark 12:37

Dawid fa xoox um sax kaa xoyan ‹o Yaal oxe›. Nam a waagu o refit o ndaan um koy?» Wiin mayu a nan-gilooxoogaan fo o ɗaay.

Nehemi 8:18

No ñaal oo ñaal, no ke xotitna no ñaal eetaand ne boo no ñaal mbalakaand ne, Esdaraas a jangooga kam safe le no kebil ke Roog. Xew fee a roofande boo ñaal ɓetuu ƭik, soo no ñaal ɓetuu ndadkandeer ne ta wegtel mbokatax, ne ta dalniteena.

A lim ale 22:27

Ye o faam ole a ga’na malaaka fee, a wondooxa fa Balam. Balam a fuuxa boo a buɓaa too a xawta o faam ole o loq um.

Xa peƭit axe 29:20

Boo ga’oona oxaa na layaa too xalaatkee, yaakaar a fanxoy moƴu o yaakaarin.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

Saak 1:2

Fog es, nu yenangaa no ƭeetlax mayu, mbelakinooxyo a paax,

Saak 1:16

Fog es we fexuuma, ba o leng a nax a nuun.

Saak 2:1

Fog es, ne nu ngimna no Yaal in Yeesu Kiristaa fee jegna o ndam, ba nu samtirandaa wiin we.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Saak 3:10

Fog es, waree o ref naaga. O don o leng kut ole i niwtaa a Roog, soo laytan paaxeer lakas we.

Saak 4:11

Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.

Saak 5:12

Fog es, ke moƴna o jeg o njiriiñ refu yee ba nu ngaañ. Ba nu ngaañit a Roog, ba nu ngaañit adna fee, ba nu ngaañit tig lakas itam. O layangaa tig, too and ee ndigil oo, layi rek ee: «Iyo!» A warangaa layel: «Ha’aa» layi yee «Ha’aa» ndik Roog a hate’ong.

Saak 5:19

Fog es, o leng na nuun a gulmangaa a ƭat ale no ndigil ne, soo koy o lakas a nomtiidin na ƭat aleene,

Ke bindeena no xe ne’eena YOB 32:16

Feek nuun wey cel, mbañat o ndoon, ndax kaam maadkaa o cungaa nu lay?