Saak 1:17 - NQAARIIT NE ROOG

¹⁷ Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

Saak 1:17 Referans Kwoze

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

1Saŋ 1:5

Ke i njangitna no ten, i yegnaa a nuun. Ten refu yee Roog a qoolaand oo, too o niɓaan o leng refee no ten.

Xa peƭit axe 2:6

O Yaal oxe na ci’taa o jeg-yiif, o and fo o ƴiƴ a ngataa no ten.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

1 Korint 4:7

Kaa nu njeg kaa nu kañteena! Xar nu pokooxu, too refee ci’it? A soƥangaa koy ee ke nu pokooxna fop ci’it oo, xar taxu nu mbakooxaa nen waa njegtuuna no onj den?

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

1 Caloori ke 22:12

Kaa rek, yaasam o Yaal oxe a ci’ong o and fo o jeg-yiif ndax o gay kebil ke no Yaal oxe Roog of yaa ta dalinkang took Isra’el.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»

Mberaand 41:16

Yoseef a doona a Firawon fee yee: «Refee yee mi ndaa Roog fa xoox um na cooxkang a tekit ale jofooxoonga.»

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

1 Caloori ke 29:19

Ci’i a Salomo fee o ƥees yiif laa damooxna no gay bargal ke wo fo a cangin ale wo fo kebil ke wo, a reefaa fop too a max mbind maak ne jagandanuuma kene fop.»

A lim ale 11:17

Xam fudooxiid, lay fa wo maaga. Xam xot no Yiif le fudnuuma took of, doonin took den, ndax da ngadoortong xeet fene refna a toq a maak boo gadooxkino wo soom.

Saak 3:15

O jeg-yiif oleene, na adna fee a hatu, too yiif le refna no ten refee Yiif le Roog, yiif jini yoo.

Esayi 45:7

Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

Esayi 46:10

Yegnitaam no mberaand naa ke na xewkaa, lambin yaaga ke fadiidafuleerna. Kaam layaa yee: Yuuƥ es xan a fadnoox, too ke buguuma fop, kaam fi’an.

Esayi 28:26

Roog um kaa aqatin ne ta waruuna o fi’it, a jangnin o ten.

A kim a tedu ke 122:6

Salanyo a Yeerusaleem jam! Wo Yeerusaleem, yaasam we mbexoonga a ñoowaa no yaadax!

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

A lim ale 11:25

O Yaal oxe a fudoorta kam eel le soo a lay fa Moyiis. A xota no Yiif le reeƭna took Moyiis soo a doonin took maak qarɓeen ɓetuu ɗik we. Ndak fo ndak, yaa Yiif le a fudooxna took den, a ndalfooxa o njo’tanan. Taa mbaambir naa koy, kaaga xew’atee na den.

A kim a tedu ke 85:12

Ndigil ne xan a saxit no lanq ke, o cofel a fudoortiid na asamaan.

A kim a tedu ke 102:27

Den o mat xan a mbaaf, ndaa wo o mat xan o yoq. Den fop xan a siɗoox nen ñirax. Xan o supit a den nen ndikoorik, soo da inoox meen, a ƥandit,

A kim a tedu ke 136:7

ten oxe sakna qoolandir maak ke, yaam o mbeq um xan a maadaa boo faw,

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

1 Timote 6:16

Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.