Saak 1:14 - NQAARIIT NE ROOG

¹⁴ Kaa koy, a yuxum a paaxeer ake ndefna no xeeñ taxu o kiin a fi’aa paaxeer.

Saak 1:14 Referans Kwoze

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Mace 15:18

Ke na sutooraa no don koy, no xeeñ a inooraa, too keene na roɗgandaa o kiin.

Hebre 3:13

Baa ref naaga! Saƭakiniryo kili boo na «xaye» fee Roog a ne’uuna, yaam ndik bakaad a nax o leng na nuun boo ta ŋaj.

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

Xa peƭit axe 4:23

Gaynaaki xeeñ of kupu tig lakas kuu refna, yaam no ten a cur ale no ñoow ole a refu.

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

O leetar ole Pool a bindna GIMU WE NGENNA ROM 7:11

Bakaad fee kaa jegit o gom no kebil ne, a naxaam, soo a wartaam o ten.

Ke bindeena no xe ne’eena YOB 31:27

xeeñ es a fogooge na pet, boo um jataa na den?

Ke bindeena no xe ne’eena YOB 31:9

A soƥangaa yee o tew no kend es kaa ñaam xeeñ es, boo um xawlooxan no don-maax um,

Mace 15:20

Keene koy refu ke na roɗgandaa o kiin, ndaa ñaam too japiro, kaaga naagee o roɗgandaa o kiin.»

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Hoose 13:9

Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

2 Sami’el 11:4

Dawid a lulta o tew oxeene, soo ta gar no mbind um. Dawid a wondooxa fo ten, cinj kaaga o tew oxe a xaad. Ten koy, kaa sog’u o ɓogdooxaa no tap um.

Mace 4:1

Maaga, Yiif le Roog a ɓisa a Yeesu kam a koƥ-a-ƥor alaa ndax o ƈiƴ oxe a fogin.

Saak 1:13

O kiin a fogange no fi paaxeer, baa lay ee Roog xiiraxam teen, yaam dara waagee o xiir a Roog no fi paaxeer, too sax xiirkee o leng no fi paaxeer.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.