Saak 1:11 - NQAARIIT NE ROOG

¹¹ Njeeƈ ne a sumangaa, kaa doxaa piɗ ke, a naf ake a ƥooroox, piɗ ke a sam, o mosel den a mo. Neene o yaal halal oxe a sooƴitkaa kam kos-kos um.

Saak 1:11 Referans Kwoze

Mark 4:6

Yaa njeeƈ naa a sumna, a leeƥa, too a weera, yaam jegee a paƴ.

Mace 13:6

Yaa njeeƈ naa a sumna, a leeƥa too a weera, yaam jeg’ee a paƴ.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

1 Korint 7:31

we na njiriiñooraa tig adna, nen waa njiriiñooreeruuna, yaam kaa ke na adna feeke a ref a liim.

A kim a tedu ke 102:4

Ñaal ke mi we ndiimaa nen fo suun, soo cer es a ndoxaa nen o rukit.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Esayi 28:4

soo mbiɗ leeƥu ne o mosel um a fodna took a yulanq a caɓu taxar ale a ref nen o jala laa foorateelna. No ɓay no xuu ta eetna, xan a ɗuudin ndak fo ndak.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

O baawaare xe 5:15

Kene o njakad o yuɗnooxu a refahinu: Ne o kiin a garitna garit a nomtoorkaa deŋ. Yaaga koy o njiriiñ onqum a xottu teen? A ŋus-ŋusna na xa ƥaaƈ.

A kim a tedu ke 102:11

Kam fuux of fo o fitnax of yoɗaxamo deɓaam maa goƭna.

A kim a tedu ke 37:2

yaam xan a ñof o mbeer koroŋ nen boob, a leeƥ nen daaƭ xuƥu.

A kim a tedu ke 39:6

Ga’aano, danqaxamo a pe a leng-leng, too onqe waruuma o ñoow jaakee dara mbaambir of. O kiin oxe nqeñ soom a refu kuu ta saƭikna saƭik fop oo. A maaf

A kim a tedu ke 90:6

andoona yee a xesangaa a saxaa, a sultaa, boo roog a yaaraa ta gubel, a weer koroŋ.

A kim a tedu ke 103:15

O ñoow no kiin kaa nand nen daaƭ xuƥu, a fiɗaa nen piɗ ke na koƥ ale.

Mace 6:30

Roog a ñirtangaa neene daaƭ le na xa saawit axe, andoona yee a refangaa xaye, o feet ta deɓel no ngañ, ndax moƴkee o ñir a nuun? Nuun soo neew o ngim!

Mace 20:12

a layin ee: ‹We mbalakna o ngaraa, waxtu fa leng soom a njalu, soo o fodandaa a den fa in, in we ndoxondooxna xij le fo mbooyo ne fop.›

2 Sami’el 22:46

a ñakaa njambaar soo a sendaa, yaa da sutooxaa toktal den.