Saak 1:1 - NQAARIIT NE ROOG

¹ Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

Saak 1:1 Referans Kwoze

Heseki’el 12:15

Yaa um pasarkaa a den a ndeer qeet ke soo picit a den kam a saax a lakas ake xan da and ee mi refu o Yaal oxe.

1 Piyeer 1:1

Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

YEGIL MBAAX NE YEESU ne Saŋ a bindtuuna 7:35

Naaga, Yaawuur we a layra yee: «Ndi mam a rokkaa boo i mbaagkiran o nga? Ndax kaa retaa kam teeru ke no Geegeres we, maa ta waagna o soƥ xeet fee in pictoorna, soo a jangin itam we ndefeerna Yaawuur?

A pi ake 8:1

Sool a yoon’a na bar ale Eceen. No ñaal naaga ñagadil maak a rope took o fog ole no gimu we ndefna Yeerusaleem. Gimu waa fop bo ta yoqaa apootar waa, a pictoox’a kam o jegel olaa Yudee fo saax laa Samari.

A pi ake 26:7

A carind xarɓaxay fo a carind a ƭak ake na xeet fee in a yaakaara o nga a tegit aleene a fadnoox, yaa da mbaɗooxaa a Roog fa doole, ñaal oo yeng oo. O maad Agiripa, yaakaar neene koy taxu Yaawuur we a njambaxam.

A pi ake 15:23

A cooxa a den o leetar olaa bindeena yee: «In fog nuun, ndefna apootar we fo maak we, in we simnaa a nuun, nuun fog gimu we ndeer no we ndefeerna Yaawuur ngenna Ancook fa Siri fa Silisi.

Tiit 1:1

Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

A pi ake 15:13

Ye da ƈutna fa lay, Saak a doona yee: «Fog we, nan-gilooxaamoo!

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

A pi ake 21:18

No feet olaa, Pool a yoona fa in, a ɗeetik a Saak, too maak we no mbokatax ne no gimu we fop a mbokatoora me ten.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Galati 2:12

Ye we inoortiid’ina maa Saak a mbadiid’afuleerna, Kefaas kaa ñaamoogu fo gimu we ndefeerna Yaawuur, ndaa yaa da mbadiidna mbadiid rek, ta dalfoox o naag kuraac a sayoox, yaam ndik we sertoogna nquc a layin tig.

Galati 1:19

Ga’’iim o lakas no apootar we, a refangee Saak fee refna o ndeɓ no Yaal oxe.

A pi ake 15:21

Keene kaa war, yaam kam teeru fuu refna a miña o jeg waa na mbaare’aa kebil ke Moyiis, too kaa njangeel itam na bes a ñootnax aluu refna kam pind a qeƭ ke den.»

A pi ake 1:13

Yaa da mbadiidna, a ŋaaya no taax-took naa maa da mer’ina o mbokatoortaa. A ndeeƭa: Piyeer, Saŋ, Saak, Andare, Filip, Tomaa, Bartelemi, Mace, Saak fee o ƥiy Alfe, Simoŋ oxe na xoxtaa saax um fa Yudaa fee o ƥiy Saak.

Mace 13:55

Ndax kaa refee o ƥeenqe no taadaaƴ oxe? Andum refee o ƥeenqe Mari, too Saak fa Yoseef fa Simoŋ fa Yudaa a ndef xa teɓ um?

1 Maad we 18:31

A janga a ƥil xarɓaxay fo a ƥil a ƭak, a reefandin no ne a carind ake na xa ƥiy axe Yakoob a mbodna. Yakoob feene o mat o Yaal oxe a lay’u yee: «Isra’el o ne’kateel.»

A cangatin ale 30:3

yaaga, xan o Yaal oxe Roog nuun a yirim a nuun, a supit o roxanqol nuun soo a fokattiid a nuun ahin a ndeer qeet ke ta pasar’ina a nuun fop.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A pi ake 12:17

Piyeer a caxa a den fo o ɓay um, ndax da tiim. Maaga, a wetandooxa a den ne o Yaal oxe a muclit’uuna na kaso faa, too a doona teen ee: «Mbetandooxeenoo a Saak fo fog gimu lakas we.» Cinj kaaga, a sutooxa, a ret o mbiñ o lakas.

Esdaraas 6:17

A sadaxta na barke fee no Mbind Roog neene qoox teemeed, a suk paal teemeed ƭik fo fo mbaal teemeed nahik soo nen sadax fa mbaasnoor pakaad no Ii-isra’el we fop a suk pambe xarɓaxay fo a suk pambe ƭak, a ndeefandin no ne a carind ake Isra’el a mbodna.

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

A sutax ale 39:14

No ɓil jafeñu luu refna koy, gon no leng na xa ƥiy xarɓaxay fo xa ƥiy xa ƭaq axe Isra’el a sex’e teen, nen oxaa na sexnaa o anddiloor xoox um. A ƥil a cafeñu keene kaa ndeeƭu betandoor na carind xarɓaxay fo a carind a ƭak ake Isra’el.

A sutax ale 24:4

Moyiis a binda fop ke o Yaal oxe a lay’uuna. No feet olaa, a inooxa ƥiiɓ cuc, a max o sadaxand na caf ale no joong ole, a dendand maaga a ƥil xarɓaxay fo a ƥil a ƭak, luu refna teen a refan a carind na carind xarɓaxay fo a carind a ƭak ake na xeet fee Isra’el.

Mbeeñil 7:4

Maaga, nanaam we ñaas’eena a limeel boo no cuni teemeed fo cuni qarɓeen nahik fo cuni nahik na carind xarɓaxay fo a carind a ƭak ake Isra’el fop:

A pi ake 2:5

Maaga, a jeg’a Yaawuur waa ngar’ina Yeerusaleem, yaam a mbaɗooxiid a Roog. A inoor’a no qeet lakas ke na adna fee fop.

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

Mace 10:3

A jega itam a Filip fa Bartelemi fa Tomaa fa Mace fee rabdinooxoogna juuti, fa Saak fee o ƥiy Alfe fa Tade fa

Esteer 3:8

Haamaan a laya o maad Asuwerus ee: «Daali maad, kaa jeg xeet faa ndefna xeet a qoox den, a pasaroox kam xa cegel axe no maat of fop. Kebil den kaa njektir fo ke no qeet lakas ke fop, too ndeefkee muk bargal of. Refkee ngoora of, yaa xaƴoona a den fo njaambuur den.

A sutax ale 28:21

No ɓil jafeñu luu refna, fat gon no leng na xa ƥiy xarɓaxay fo xa ƥiy xa ƭaq axe Isra’el a sexel teen, nen yaa ta soƥ’ina yee o anddiloor xoox of o sexnaa. A ƥil a cafeñu keene koy, xan a ndef betandoor na carind xarɓaxay fo a carind a ƭak ake Isra’el.

2 Timote 4:21

Ke moƴ’ina koy, o gar boo ƈiid ne a helko fo rokaa. Meeke koy, Ebuliisiin, Pidenseyiin, Liinisiin, Kolodiyayiin fo fog gimu we fop owe simnang.

A pi ake 23:26

«Wo Feliksi gofornoor fa mbaaxaan fee, mi Kolood Lisiyas na simnang.

YEGIL MBAAX NE YEESU ne Lik a bindtuuna 6:15

Mace fa Tomaa fa Saak fee o ƥiy Alfe, Simoŋ oxe na xoxtaa saax um

Mark 3:18

A jila itam a Andare fa Filip fa Bartelemi fa Mace fa Tomaa fa Saak fee o ƥiy Alfe, a jil a Tade fa Simoŋ oxe na xoxtaa saax um

A cangatin ale 32:26

Waag’aam o maƥit a den haaƭ leng, moocand betandoor den a ndeer no wiin we,