Ruut 1:2 - NQAARIIT NE ROOG

² O koor oxeene Elimelek a ne’’e, o teem a ne’el Nowemi, soo xa ƥiy xa ƭaq axe den a ne’el Maxlon fa Kilyon. Na qaw ale Efrata a mbog’u, a ngen Betleheem no lanq kaa Yudaa. A ngara a ndal na xa saawit axaa Mowaab, a ngenaa maaga.

Ruut 1:2 Referans Kwoze

Mberaand 35:19

Rakel a xona, soo a gasel paam a ƭat ale Efrata, refna ref Betleheem.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

1 Sami’el 17:21

Ii-isra’el we fo Fiifilista we a njasnoora, a njagandooxan a ñoq.

1 Sami’el 1:1

A jeg’a o koor oxaa gen’ina na teeru faa Rama, na xa coong axaa Efrayim, a fog na qaw ale Suuf. Elkana a ne’’e, a fog no kurcala le Efrayim. Ten fa xoox um koy, o ƥiy Yeroham a reeƭu, Yeroham a ref o ƥiy Elihu, Elihu a ref o ƥiy Tohu, soo Tohu a ref o ƥiy Suuf.

Haahate we 3:30

No ñaal naaga, Moomowaab we a ƥoxotooxa no Ii-isra’el we, too saax le a reeƭata na jam boo xa kiid qarɓeen ɓetuu tadik.

Haahate we 17:7

A jeg’a koy, o fes o Leelewi laa genoogna Betleheem fee fogna na carind ale Yudaa.

Ruut 1:3

Cinj kaaga, Elimelek fee o kor Nowemi a xona, soo Nowemi a yoq fo xa ƥeem xa ƭaq.

Ruut 1:5

Maxlon fa Kilyon a nqona den ɗik fop itam. Naaga, Nowemi a ñak’a o kor um fo xa ƥeem xa ƭaq.

Ruut 2:1

Nowemi a jeg’a o koor oxaa fogna no ƥasil ne Elimelek fee o kor um. Oxeene Bowaas a ne’’e, a ref o yaal halal tigi, too a niwel a paax.

Ruut 4:9

Maaga, Bowaas a laya maak waa fo waa ndeeƭna maaga fop ee: «Xaye nu seede’a yee jiktaam na Nowemi fop ke Elimelek fa Kilyon fa Maxlon a njeg’ina.

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.