O leetar ole Pool a bindna GIMU WE NGENNA ROM 9:4 - NQAARIIT NE ROOG

⁴ Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

O leetar ole Pool a bindna GIMU WE NGENNA ROM 9:4 Referans Kwoze

Efees 2:12

No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

A kim a tedu ke 147:19

Kaa daawnaa mbind Yakoob fa lay um, bargal um fo kebil um, ta andnoor a den a Isra’el.

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

Mberaand 17:2

Xam dalin ngiɓoor ndeer es fa wo, too xam mayƭand xa taan of.»

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

A cangatin ale 7:6

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

A sutax ale 4:22

Fat o layanaam a Firawon fee yee: ‹Mi o Yaal oxe na layaa fa wo. Xeet fee Isra’el refu taaw fa ngoor es.

Hebre 9:1

Ngiɓoor eetaand ne a jeg’a bareef no kaa farna na paɗax ale kam Mbind Roog ne na adna fee.

A kim a tedu ke 89:3

Kaam ee o mbeq of kaa maxel boo faw, ngor of a saƭik koŋ nen a asamaan.

1 Maad we 8:11

boo saasadax we mbaag’atee o yoq maaga ndax da mbadin o far den, yaam eel le no ndam onqe no Yaal oxe kaa mayƭand’u Mbind ne no Yaal oxe.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

A cangatin ale 14:1

«Xa teɓandoong no Yaal oxe Roog nuun nu ndefu! Yaaga boog o xaaraand a jegangaa, ba nu ñaasoox, too ba nu nqanqoox no ƭuf itam.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

Hebre 9:10

Sadax keene, kaa njagin na ñaam ale fo na yer ale fo kaa farna no njap. Kaa ndef kebil kaa ndayna no cer ke, too a mbarel o ndeef, boo na jamaane fee Roog a jagandatinna fop.

Hebre 9:3

Kaltaa mbaƴ ƭikandeer ne, a jeg’a a ndok ale xoyoogeena o Mbiñ onqe moƴna o ted.

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

Mace 21:33

«Nan-gilooxyo a naxax a lakas. Kaa jeg’u jeg o yaal mbind oxaa jimbna a ƭing taxar biiñ. A ɗingaan, soo a waq kam faa o nirir. A maxa taaga o yetooxand. Maaga, a doxnaan xooxoox, ndax da nqaajran fo ten, soo a ñaaƴik no saax jan.

Hoose 11:1

O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

Esayi 46:3

Nan-gilooxaamoo, nuun mbind Yakoob, nuun yoqatin we na xeet fee Isra’el, nuun we teeteeluuma yaaga nu numaa, gadoox a nuun yaaga nu sogeel o ndim.

Esayi 41:8

«Wo Isra’el fee o tag es, wo Yakoob fee jiluuma, wo o tim ole Abraham fee xaariit es,

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

A kim a tedu ke 90:16

Yaasam i nga a pi of, in we dag of, xa ƥiy in a nga o ndam of.

A kim a tedu ke 89:34

Kaa koy, suqitkiim no ten o mbeq es too hodkiim ngor es.

A kim a tedu ke 78:61

Arka ne no ngiɓoor ne o mat, reeƭna o anddiloor katil um fo o ndam um, a ɓoxotaan na xa ƥay no fañ we, ta ɓisel no saax jan.

A kim a tedu ke 73:1

A kim a tedu laa fogna na ke Asaf oo. No ndigil, Roog a faaxa na Isra’el, no we njegna xeeñ xoolu.

A kim a tedu ke 63:2

Wo Roog, wo refu Roog es, kaam fun’ang. Nen mi faa refna kam lanq beeru koroŋ kaa njegeerna o ndoq, o laaw es kaa hoɗomel a wo, cer es a mbiiƭaa na wo.

Nehemi 13:29

«Roog es, ba o weec muk ne da niwaƭaritna calel no saasadax ke fo ngiɓoor ne wo fo saasadax we fo Leelewi we.»

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

A cangatin ale 29:14

Xan a dalnel fo we ndefna meeke fop xaye, a ngeenoox mbaambir no Yaal oxe Roog in, a dalnel itam fo xa taan axe in ndimafulaandeena.

A cangatin ale 29:1

Moyiis a xoya Ii-isra’el we fop, a lay a den ee: «Nu nga’ooda fop ke o Yaal oxe a fi’na kam saax laa Misira, ke ta fi’na a Firawon fee fo dag um fo saax um fop.

A lim ale 7:89

Ye Moyiis a rokna no Ƭiif ne o Yaal oxe a xetteel, ndax ta lay fo ten, a nan’a o ñuxur olaa layoogna fo ten, a inooraa me yoorooxna o afnir-o-fortand ole no arka ne no ngiɓoor ne, a ndeer pindel yeeyetax ƭik ke. Maaga o Yaal oxe a laytoogu fa Moyiis.

A sutax ale 40:34

Maaga, eel laa a muura Ƭiif ne o Yaal oxe a xetteel, too o ndam onqe no Yaal oxe a mayƭanda Ngenand tedu ne boo Moyiis waagee o rok taaga.

A sutax ale 34:27

Maaga, o Yaal oxe a laya a Moyiis ee: «Bindi a ƭelem akeene, yaam den dalnitum ngiɓoor es fa wo fa xeet fee Isra’el.»

A sutax ale 12:25

Boo nu ndokna no saax le o Yaal oxe a cooxkaa a nuun, ne ta regtituuna, fat keene a ref o mbaax nuun.

Mberaand 32:28

O koor oxe a laamtaan ee: «Nam ne’ee?» A doonaan ee: «Yakoob.»

Mberaand 17:10

Neeke nu ngayitkaa ngiɓoor ne a ndeer es fa nuun fo xa taan of: Oxuu refna o koor a ndeer nuun, fat a xucoox.

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

O leetar ole Pool a bindna GIMU WE NGENNA ROM 3:2

No kuu refna a adoorun. Eetu, Roog kaa doxin Yaawuur we fa lay um.

A cangatin ale 4:13

A daawna a nuun ngiɓoor ne ten, refna kebil xarɓaxay ke nu mbarna o ngay, a bind a den took a alfa ƥil a ƭak.

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

2 Korint 11:22

Kuu da mbaagna o njikooxaa a nuun rek, waagaanum o jik, ta ref o ref o Hebre mbaat o Ii-isra’el mbaat o fog no kurcala le Abraham, jegee teen dara maa da ndaɗaxama.

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Hebre 9:5

Took arka ne a jeg’a pindel yeeyetax qawte wurus kaa yookoogna o afnir-o-fortand ole, a laltaa o magnel ole Roog. A nafir ake den kaa yooroox’u me fo’oy le a wiisoogeena ndax ta ñuf a qaw ale Roog no pakaad ke. Kaa koy, refee yee ndiiki i layitkaa keene fop.

Hebre 9:6

Boo fop a jagandit’eena neene, saasadax we kaa ndokaa kam a ndok a eetaand ale bes fuu refna, ndax da mbadin calel den.