O leetar ole Pool a bindna GIMU WE NGENNA ROM 9:32 - NQAARIIT NE ROOG

³² Xar taxun koy? Kaa mbaaƭoogu o mbel a Roog na pexey a pi den, a mbañin o mbaaƭit na pexey o ngim onqe. Ten taxu yoo da mbaɓ ɓil le na tolofnooraa.

O leetar ole Pool a bindna GIMU WE NGENNA ROM 9:32 Referans Kwoze

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

O leetar ole Pool a bindna GIMU WE NGENNA ROM 11:11

Kaam laamtaa boog, ye Ii-isra’el we a tolofna, ndax kaa da yen, a mbañat o inoox boo faw? Muk! Kaa koy, njom ne den taxu a muc ale a cooxel we ndefeerna Yaawuur, boo a tax Yaawuur we a siisaa weene.

YEGIL MBAAX NE YEESU ne Lik a bindtuuna 7:23

Oxuu tolofkeerna yaam mi a ɗaaya.»

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

Mace 13:57

Kaaga a yaqan’a a den da ngim no ten. Yeesu a laya a den itam ee: «O tuleer fañaand sen a refangeerna no mbaafaap um fo no mbind um.»

Esayi 8:14

Xan a ref ngenand tedu, ndaa xan a ref itam ɓil laa na tolofnooraa fo ɓil maak laa na fanqaa maat ƭik ke Isra’el, a ref mbaal fo mbog no we ngenna Yeerusaleem.

Esayi 8:15

Xan wiin mayu a tolofit teen, a yen soo a mbeñexu. Xan a yen no mbog ne, too xan a ndamel.

1 Piyeer 2:6

Yaam a laye kam a Pind a Tedu ke yee: «Mexe doonaa kam Siyoŋ ɓil maxir le jiluuma, ta ref oxe moƴna o jeg o njiriiñ. Oxuu gimna no ten, sedkee muk.»