O leetar ole Pool a bindna GIMU WE NGENNA ROM 9:30 - NQAARIIT NE ROOG

³⁰ Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

O leetar ole Pool a bindna GIMU WE NGENNA ROM 9:30 Referans Kwoze

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

Efees 2:12

No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

Galati 5:5

In koy, i yaakaara yee xan Roog a jofandit a in o ngim. Keene i cungaa no Yiif Tedu le Roog.

O leetar ole Pool a bindna GIMU WE NGENNA ROM 10:20

Esayi fa xoox um sax a reta boo a yegnit ee: «Roog kaa lay ee, waa mbaaƭoogeeraxama, a nga’axam, too feeñooxaam waa ƥaaloogeerna dara na mi.»

O leetar ole Pool a bindna GIMU WE NGENNA ROM 10:6

Kaa koy, a guutatira fo ke layeena no cofel ole mbaambir Roog na pexey o ngim onqe. Kaa tee: Ba o lay no xeeñ of ee: «An na ŋaaykaa na asamaan?» tee kaa o fudniidaa a Kiristaa.

O leetar ole Pool a bindna GIMU WE NGENNA ROM 9:14

Xar i laykaa koy? Ndax Roog kaa jofaƭar boog? Ha’aa muk!

Esayi 51:1

O Yaal oxe kaa tee: «Nuun we na naaɓaa o cofel ole too mbaaƭaxam, nan-gilooxaamoo! Ƭeetyo ɓil le nu mbaqaqoorna fo xooɗ le no gamb le nu suudteena.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

Galati 3:24

Yaaga koy, kebil ke kaa ndeeƭu o ƭooɗox in, ndax da ƥis a in maa Kiristaa boo i mbaag o ƭeetel nen jofu mbaambir Roog yaa i ngimna.

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

O leetar ole Pool a bindna GIMU WE NGENNA ROM 10:10

Yaam o kiin kaa gimaa no xeeñ um, soo Roog a jofandkan. Kaam ee, o kiin oxe kaa weejlaa o ngim um fo o don um, soo Roog a mucilkan.

O leetar ole Pool a bindna GIMU WE NGENNA ROM 9:31

ndaa we mbogna na xeet fee Isra’el o mat, too a mbaaƭoogu o njofandtel kebil ke mbaambir Roog, kaa nqoxiɗ.

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

O leetar ole Pool a bindna GIMU WE NGENNA ROM 4:22

O ngim onqeene taxu Roog a ɗeetin nen o cofu.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

O leetar ole Pool a bindna GIMU WE NGENNA ROM 4:9

Ndax o ɗaay oleene, we nqucooxna soom a refanu? Ndax refanee we nqucooxeerna itam? Mee ndax i laya boo ƈut ee Roog a ɗeeta a Abraham nen o cofu, yaam ne ta gimna?

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

Xa peƭit axe 21:21

Oxe jofna too a faax kaa jegaa o ñoow fo o cofel fo o ndam.

Xa peƭit axe 15:9

O Yaal oxe kaa sib o ñoowooƭ no soxodu xe, ndaa kaa fex oxe na reefaa o cofel ole.