O leetar ole Pool a bindna GIMU WE NGENNA ROM 9:3 - NQAARIIT NE ROOG

³ Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.

O leetar ole Pool a bindna GIMU WE NGENNA ROM 9:3 Referans Kwoze

A sutax ale 32:32

Mexe xeɗang o waasan a den pakaad den. O fi’angiran, fat o fortaam no safe le o bindaa.»

Esteer 8:6

Ndax xam waag o seede taamaala feene ta dalaa xeet es? Kaam ee waagkiim muk o jasnoor fo a saŋik ale no we fogtuuma xeet.»

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

1 Korint 16:22

Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

Galati 1:8

Kaa koy, a refangaa yee in fa qoox in sax mbaat malaaka faa inoorna na asamaan na yegnitaa yegil mbaax lakas naa refeerna ne i mbaare’na, xan a halakoox.

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

O leetar ole Pool a bindna GIMU WE NGENNA ROM 11:1

Kaam laamtaa boog, ndax Roog a deɓ’a xeet um? Ha’aa o mat, yaam mi fa xoox es sax, o Ii-isra’el refum, ref o ndaan Abraham, fog no kurcala le Bensame.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

1 Sami’el 14:44

Sawul a laya yee: «Yaasam Roog a halakaam, yaa xoneeroona, wo Yoonatan!»

1 Sami’el 14:24

Xiixire we Isra’el fop kaa ƈax’u xa ƥox no ñaal naaga, yaam Sawul kaa saloox’u yee: «Sabab took no kiin oxuu ñaamna tig ndeer mene boo yaa njeeƈ ne a yaarkaa, too rabdinooxafuliim took no fañ we mi.» Naaga, o leng no xiixire waa ñim’ee ñaamel leng.

A cangatin ale 21:23

o dal oleene waree fe na teex ale. Fat nu ngasin no ñaal naaga sax sax, yaam oxuu lokeena na teex, Roog salooxun. Yetooxyo boog boo ba nu nqoolaƭarand saax le o Yaal oxe Roog nuun a ci’na a nuun nu njegkin.»

Mberaand 29:14

Maaga, Laban a layaan ee: «Andaam kañ ee o pog es ŋaƈit refo, too fo’oy fo leng kut ole na ƴufaa ƴuf na mi na ƴufaa na wo.» Yakoob a moofa maa Laban boo a jeg o nqool.

A pi ake 22:5

O saasadax o maak oxe fo Mal ne no maak we fop a seede’anaxam keene. Daawtaam na den xa leetar axaa da mbokattaxama Yaawuur fog we Damaas sax maa ret’uuma, ndax um feñ gimu waa ndeeƭna maaga, ɓisiid a den Yeerusaleem, ndax da nqawel.»

A pi ake 28:21

A ndoonaan ee: «I ndaawee o leetar o leng olaa inoorna Yudee no kaa farna na wo, too o leng no fog in inooree maaga a helkaa o wetandoox mbaat ta lay a in paaxeer na wo.

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

O leetar ole Pool a bindna GIMU WE NGENNA ROM 9:2

Kene refu o gooy o maak ole fa naqad fee jeguuma kili kam xeeñ es.

O leetar ole Pool a bindna GIMU WE NGENNA ROM 16:7

simin a Andoronikos fa Yuñaas we fogtuuma xeet, too a ndeeƭu fa mi kam kaso, a ndef waa apootar we a niwna. Den sax eetaxam o ngim na Kiristaa.

O leetar ole Pool a bindna GIMU WE NGENNA ROM 16:11

simin a Herojon fee fogtuuma xeet fo ƥasil ne refna no mbind Narkis, too a ngim no Yaal oxe.

O leetar ole Pool a bindna GIMU WE NGENNA ROM 16:21

Timote fee o yoon es no calel ke oxe simnaa a nuun. Lukiyus fa Yaason fa Sosipateer we fogtuuma xeet, owe simnaa a nuun itam.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Galati 1:9

I layaan a nuun yaaga, too mexe dakooxan o lay a nuun na waxtu fene: O kiin a yegnangaa a nuun yegil mbaax lakas naa fogreerna fo ne nu ndaawna, kaam ee xan a halakoox.

Efees 6:5

Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.