O leetar ole Pool a bindna GIMU WE NGENNA ROM 9:27 - NQAARIIT NE ROOG

²⁷ A jega kaa Esayi a lambin’ina na xeet fee Isra’el, kaa tee: «Boo andoona sax ee Ii-isra’el we kaa mayit’u nen pep lanq na ƥeeraamb o maag, o yoqatin o ndutuuñ soom na mucilkeel,

O leetar ole Pool a bindna GIMU WE NGENNA ROM 9:27 Referans Kwoze

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Esayi 24:13

Ke na yoqkaa no qeet ke took lanq ke xan a nand nen yoqatin ndaxar oliiw ƥoore, nen fo nduunq biiñ fo ngisaatooxel cinj a ƥoor ale.

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

Esdaraas 9:14

Yaaga koy, ndax xan i ƭapahin kebil of soo ngiɓoor no ndolnir fo qeet keene na mbi’aa cednooxu? Ndax fuuxankoogiro a in boo saŋik a in, fañ o xaƴan a in yoqatin fo waa mucna?

Esdaraas 9:8

Ndiiki koy, o Yaal oxe Roog in a soga o yirim a in, ye ta xaƴna leng-leng waa maadna ñoowaa na xeet fee in soo a ci a in ngenand kam saate fa tedu fee ten, ndax ta xooland a kid in soo a ɓaat a in doole kam mbaƭ ne in.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»