O leetar ole Pool a bindna GIMU WE NGENNA ROM 9:22 - NQAARIIT NE ROOG

²² Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.

O leetar ole Pool a bindna GIMU WE NGENNA ROM 9:22 Referans Kwoze

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

O leetar ole Pool a bindna GIMU WE NGENNA ROM 9:21

Mee ndax o maamax qaw a waaga o fi kuu feluuna no ƭok! No ƭok leng kut keene a waaga o max teen nqaw mosu fo nqaw mbarƴu.

2 Timote 2:20

Mbind maak naagee o jegaa ƥaxañ pi’te wurus fo xaaliis soom. A naaga o jegaa itam axaa maxeena fo axaa sexeena. Ƥaxañ eetaand ke koy na suteel na bes fa maak, lakas ke a njalteel cegee xoox.

A sutax ale 9:16

ndaa kaam xaƴong o laaw of a fiɗaa, ndax o ga katil es, gon es a yegnitel kam adna fee fop.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

O leetar ole Pool a bindna GIMU WE NGENNA ROM 9:17

Keeke Roog a lay’u a Firawon fee o maad Misira kam a Pind a Tedu ke: «Dodaaxoong o ref o maad Misira, ndax um laltit na wo katil es, soo gon es a yegnitel kam adna fee fop.»

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

A kim a tedu ke 90:11

An andu doole fee no fuux le wo, a and fuux ɗomu le wo, ndax ta saɗarong?

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

A lim ale 14:11

O Yaal oxe a laya a Moyiis ee: «Xeet fene kaa ngapko sibaxam boo a mban, a mbañ o ngim na mi, ke fi’uuma xa anddiloor a ndeer den fop oo?

1 Tesalonik 5:9

Yaam Roog jagandanee a in a qaw um, ndaa kaa bug i njeg a muc ale na pexey o Yaal in Yeesu Kiristaa.

Mberaand 15:16

No suk nahkandeer naa xan da nomtooxiid mene, yaam njofaƭar ne no Aa-amori we muukooxafulee.»

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

O leetar ole Pool a bindna GIMU WE NGENNA ROM 1:18

Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»