O leetar ole Pool a bindna GIMU WE NGENNA ROM 9:21 - NQAARIIT NE ROOG

²¹ Mee ndax o maamax qaw a waaga o fi kuu feluuna no ƭok! No ƭok leng kut keene a waaga o max teen nqaw mosu fo nqaw mbarƴu.

O leetar ole Pool a bindna GIMU WE NGENNA ROM 9:21 Referans Kwoze

Esayi 64:8

O Yaal oxe, ba o fuux bo ta ɗom, too ba o gen no wetandooxaa tooñ ke in. Koo dami rek ee in fop xeet of i ndefu.

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

O leetar ole Pool a bindna GIMU WE NGENNA ROM 9:18

Neene boog, Roog a yirma oxe ta bugna, a saƭkin xeeñ no xe ta buganuuna.

Hoose 8:8

Isra’el a ɗuude salquƈ. Oxey ndiiki a ndeer qeet ke, nen o ƥaxañ olaa o leng a bugateerna.

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»

Esayi 10:15

Ndax foogaa moos ee ɓaax a waaga o moƴ o yaal um, ndi a si a naaga o fakooxanaa oxe na jaltan? O cap naagee wulaa oxe na yo’nan, too o guul naagee o yoɗaa oxe na jiriiñooran!

Esayi 45:9

«Sabab took no xe refna o jalag a ndeer xa calag xa maxte ƭok, soo a saɗ o xasanaa oxe maxuuna! Ndax ƭok a naaga o layaa o maamax oxe yee: ‹Xar o fi’aa kene?› Ndax nqaw a naaga o layaa oxe maxuuna yee: ‹Wo cuune’u!›

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»