O leetar ole Pool a bindna GIMU WE NGENNA ROM 9:2 - NQAARIIT NE ROOG

² Kene refu o gooy o maak ole fa naqad fee jeguuma kili kam xeeñ es.

O leetar ole Pool a bindna GIMU WE NGENNA ROM 9:2 Referans Kwoze

Filip 3:18

A jega mayu waa na ñaaƴaa, a ndef waa mbugeerna o nan paru na kurwaa le Kiristaa. Layaam a nuun a caf a mayu kaa jofna na den, ndiiki itam, um dakooxin o layaa fo xa kooniit.

A ƭomatax ake 3:51

Kaam jegaa naa ɗomaxama, yaa um ga’aa ke na dalaa mboƥ ndoog ne na teeru es.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

O leetar ole Pool a bindna GIMU WE NGENNA ROM 10:1

Fog we, ke buguuma no xeeñ es fop fo ke refna a qeƭ es na Roog refu yee Yaawuur we a muc.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Esayi 66:10

Nuun we mbexna a Yeerusaleem, mbelakinooxyo fo ten, may fo o ɗaay yaam o ten. Nuun fop we ñaawooxoogna yaam taamaala fee dal’uuna, nqaajiryo fo ten ndiiki o ɗaay ole hitatirna.

1 Sami’el 15:35

Sami’el mosatee o ga a Sawul boo neen a xonu. O Yaal oxe a ricoox’a ke taxna ta dalin a Sawul o maad Isra’el, too Sami’el oo a naqadilooxa yaam Sawul nen oxaa na ñaawooxaa.

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.