O leetar ole Pool a bindna GIMU WE NGENNA ROM 9:16 - NQAARIIT NE ROOG

¹⁶ Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

O leetar ole Pool a bindna GIMU WE NGENNA ROM 9:16 Referans Kwoze

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Esayi 65:1

«Jaɓataam waa ƈufginooroogee-raxama a mbaaƭaxam, soo waa mbaaƭoogeeraxama a nga’aam. Layaam waa nqoyoogaandeena xeet es ee: Mexey, mexeya!

YEGIL MBAAX NE YEESU ne Saŋ a bindtuuna 3:8

Nqeñ ne kaa wuuɗaa muu feluuna, o nanaa ñax le, ndaa koy andiro me ta inooraa, ne’atiim me ta jofaa. Neene deŋ a reftu no kiin oxaa rimteena Yiif le Roog.»

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

Galati 2:2

yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.