O leetar ole Pool a bindna GIMU WE NGENNA ROM 9:13 - NQAARIIT NE ROOG

¹³ Keene a Pind a Tedu ke a ne’oogu ye da layna yee: «Kaam fex a Yakoob, soo fañ a Esawu.»

O leetar ole Pool a bindna GIMU WE NGENNA ROM 9:13 Referans Kwoze

A cangatin ale 21:15

«A soƥangaa yee o koor kaa jeg rew ɗik, a moƴ o bug o leng oxe yee o lakas oxe, soo a rim fo xuu refna no rew weene xa ƥiy xa koor, ndaa o tew oxe moƴaandeena o bug eetu o ñoot,

Mberaand 29:33

A rokahina o fud, soo a ñoot o ƥiy o ngoor, a lay ee: «O Yaal oxe a anda yee bugaandeem, soo ta ci’ahinaam o ƥiy onqene.» A ne’aan Simewon.

Mberaand 29:31

O Yaal oxe a ga’a yee Leya bug’aand lool, soo a fi’in o tew o tiirim, Rakel o mat a ref o tew o timar.

YEGIL MBAAX NE YEESU ne Saŋ a bindtuuna 12:25

Oxuu fexna o ñoow um xan a ñakin, ndaa oxuu fexeeruuna na adna feeke, xan a geekanin o ñoow o fagkeer ole.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

Xa peƭit axe 13:24

Oxe yarkeerna o ƥeem kaa fañin, oxe fexna o ƥeem o mat kaa yaran.

Mark 12:10

Ndax nu njangee kam a Pind a Tedu ke fa lay fene: ‹Ɓil le maamax we a ndeɓ’ina refatu ɓil faraaj le.