O leetar ole Pool a bindna GIMU WE NGENNA ROM 9:1 - NQAARIIT NE ROOG

¹ Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

O leetar ole Pool a bindna GIMU WE NGENNA ROM 9:1 Referans Kwoze

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

Galati 1:20

No ke um bindaa a nuun, ndeer es fa Roog oo, too maaɓiim.

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

2 Korint 11:10

Ne ndigil ne Kiristaa a saxna na mi, mexe yegnaa a nuun ee mbakax nene xañitkaandeem o ten muk kam caate ke mbidna Akayi fop.

O leetar ole Pool a bindna GIMU WE NGENNA ROM 8:16

Yiif le Roog fa xoox um sax kaa woornaa a yiif in ee xa ƥiy Roog i ndefu.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Tesalonik 2:5

Ne nu andtuuna, i mosee o saq fa lay fa koocir fa leng, too i mosee o mbaare’aa, ndax i njegit teen xaaliis. Roog a seede’a a in no keene sax.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

O leetar ole Pool a bindna GIMU WE NGENNA ROM 2:15

A lalta yee ke kebil ke a simitna a binde kam a qeeñ den, yaam a yiif den a naanga o njambaa a den, soo leek-leek da mbarit a den.

O leetar ole Pool a bindna GIMU WE NGENNA ROM 9:2

Kene refu o gooy o maak ole fa naqad fee jeguuma kili kam xeeñ es.