O leetar ole Pool a bindna GIMU WE NGENNA ROM 8:7 - NQAARIIT NE ROOG

⁷ We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

O leetar ole Pool a bindna GIMU WE NGENNA ROM 8:7 Referans Kwoze

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

Kolos 1:21

Nuun itam, yaaga, kaa nu ngoƭatir’u fa Roog, ndef fañ um yaam a qalaat nuun fo a pi nuun a paaxeer.

O leetar ole Pool a bindna GIMU WE NGENNA ROM 8:4

Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

O leetar ole Pool a bindna GIMU WE NGENNA ROM 1:30

Kaa da yaqraa ƭool a ndeer den, a mbañ a Roog, a yarwaƭar, a magnandoox, a kañooxaa, a saɗ no mbexeyaa paaxeer, a mbañ o njaɓan we ndimna a den.

Mace 12:34

Nuun soo ndef fo nqisiil! Nam nu mbaagu o layit tig paax too soxod boo ƈaxooxaa? O don ke refna no xeeñ soom a layaa.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

Mace 5:19

Oxe na xuufkaa leng ne moƴna neew no kebil keeke, soo a jangin wiin we kaaga, xan a xoyeel oxe moƴna neew no we ndefna kam Maat ne na asamaan. Oxe na reefkaa a den koy, soo a jangin wiin we da ndeef a den, xan a xoyeel o maak no Maat ne na asamaan.

Yeremi 13:23

Ndax o ngiin-o-ƥaal a waaga o supit ƭool um mbaat o ƴaxal a supit a taad um? Nuun itam, ndax nu mbaaga o mbi paax, nuun we merna o mbi’aa paaxeer?

2 Caloori ke 19:2

O ƭeet Yehu fee o ƥiy Hanani a xetooxiidaan, a layin ee: «Ndax soxodu we o bugko dimle’aa, soo fex we mbañna o Yaal oxe? O Yaal oxe kaa fuuxanong koy yaam ke fi’oona.

A kim a tedu ke 53:1

O yaal a ƭat ale no jeejeek we a xoolne yee a kim alene kaa yoonandteel a liit, a ref a cangtax alaa fogna na ke Dawid.

1 Korint 9:21

Um refangaa a ndeer no we ndeefeerna kebil ke Moyiis, kaam ñoowtaa nen a den (too maad no kebil ne Roog a dalinna na Yeesu Kiristaa), ndax weene a ngim no ten.

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Ke bindeena no xe ne’eena YOB 15:13

Me ta refna koy, Roog o mat fuuxano soo ratataa juumaa neeke.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.