O leetar ole Pool a bindna GIMU WE NGENNA ROM 8:39 - NQAARIIT NE ROOG

³⁹ katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

O leetar ole Pool a bindna GIMU WE NGENNA ROM 8:39 Referans Kwoze

O leetar ole Pool a bindna GIMU WE NGENNA ROM 8:35

Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

1Saŋ 4:19

In o mat, kaa i mbexin, yaam ten eetu o fex a in.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

YEGIL MBAAX NE YEESU ne Saŋ a bindtuuna 16:27

Faap fee fa xoox um kaa fex a nuun, yaam ne nu mbexaxama, ngim ee na Roog inoorum.

Esayi 24:21

A koom, xan o Yaal oxe a xeloor fo a yaj ake no yaal kumnax ke ndefna took-ee-took fo maad we na adna fee ndefna took lanq ke.

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

A kim a tedu ke 64:6

Kaa saƭakinraa no fi paaxeer, a laytaa pog ke da ƭaapkaa na kunpa soo a ndamtin ee: «O leng ga’kee teen dara.»

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Dañel 4:11

A falalooxa fa doole yee: ‹Mbuuɓyo ndaxar ne, ngod a naaq ake, ƥoor saqit le, mboq xa tim axe, pasar a den! Fat muumeen ke yookooxna teen a ƈuf, tiiƭ ke a yetit na naaq um!

Esayi 10:33

O Yaal oxe na refkaa boo faw Hupna fop xan a fasit fa doole a naaq ake, a ɗeg xa cul taxar axe moƴna o njigid soo a luƈtaa we magnandooxna.

Xa peƭit axe 20:5

A qalaat no kiin kaa nand nen poofi a ngas a qooɗu, ndaa oxe ƴiƴna a waaga o ƴeew teen.

Mbeeñil 20:7

Boo xa kiid juni xe a mbaafna, xan Saytaane a sutel kaso.

Mbeeñil 20:3

Malaaka fee a deɓaan kam a ngas fiɗel ale, a wegin fo o jaafu, a fi teen o ñaas, ndax naxkatee qeet ke boo yaa xa kiid juni xe a mbaafkaa. Cinj kaaga, xan a wetel boo a pe a mayeer.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 2:24

Nuun lakas we mbogna no mbokatax ne no gimu we Tiyatiir o mat, andaam ee nu ndamooxee na cangin a koɓong aleene fo ke da nqoyaa kunpa qooɗu ke Saytaane. Mexe layaa a nuun boog ee gadinkiim a nuun a toq a lakas.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

A kim ale na kim ake 3:4

Yaa um jolaa a den o ndik rek, ga’aam oxe buguuma no xeeñ es. Naagaanum nuus, fañatin o xaƴ, boo neen ɓekanum kam mbind ya es, me oxe rimaxama a genna.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

Filip 3:12

Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.