O leetar ole Pool a bindna GIMU WE NGENNA ROM 8:35 - NQAARIIT NE ROOG

³⁵ Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?

O leetar ole Pool a bindna GIMU WE NGENNA ROM 8:35 Referans Kwoze

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

A kim a tedu ke 103:17

ndaa o mbeq no Yaal oxe kaa ref bo na moos boo moos no we saɗaruuna, soo o cofel um a gen fo xa ƥiy na xa ƥiy den,

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

1 Korint 4:11

Boo fa ndiik kaa nqeex a maad fa in, xa pud in a ƥac, i yoq ƭuc, muu i ngeenooxna, i njuumel xa ƭong, njoqooyooxaa ndetaa.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Yeremi 31:3

O Yaal oxe a feeñoortaxam koƭu, a lay ee: «Naa moofum kaam fexong, ten taxu um geekanong o mbeq es.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

A kim ale na kim ake 3:4

Yaa um jolaa a den o ndik rek, ga’aam oxe buguuma no xeeñ es. Naagaanum nuus, fañatin o xaƴ, boo neen ɓekanum kam mbind ya es, me oxe rimaxama a genna.

O leetar ole Pool a bindna GIMU WE NGENNA ROM 2:9

Xan coono fo o njakad a ndal took o mbindeef onquu na fi’aa paaxeer, a eetit no Yaawuur we, soo we ndefeerna Yaawuur a ndoonoox.

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

1 Korint 4:12

Oxuu refna na in kaa daaraa, soo a sogkaa o jeg ƥekel no fud, mbeneel, mbarke’aa we na mbenaa a in, muñ ne i toroxandeel,

2 Korint 4:8

I toroxande na seek aluu refna, ndaa i moxoñooxee muk, njaaxiɗ, ndaa i mosee o ñak yaakaar.

2 Korint 4:9

Kaa i nqijlandel bo, ndaa i ndeɓaand, maafel, ndaa i mosee o yaqoox.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.