O leetar ole Pool a bindna GIMU WE NGENNA ROM 8:30 - NQAARIIT NE ROOG

³⁰ We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

O leetar ole Pool a bindna GIMU WE NGENNA ROM 8:30 Referans Kwoze

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

1 Piyeer 3:9

Ba nu ndakin paaxeer ke fo paaxeer mbaat wen le fo wen. Kaa nu mbar o mbarke’aa kañ, yaam no keene Roog a xoyit’u a nuun, ndax nu lam barke um.

YEGIL MBAAX NE YEESU ne Saŋ a bindtuuna 17:22

Ci’aam a den o ndam onqe ci’axamoona, ndax da ndef o leng ne i ndefitna o leng,

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

1 Korint 1:9

Roog gor oo, ten fee fokatna a in fa Yeesu Kiristaa fee o Ƥeem, o Yaal in.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

2 Timote 2:11

Fa lay feeke, fa lay fa saƭku yoo: A soƥangaa yee i nqona fo ten, xan i ñoowatin fo ten,

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Esayi 41:9

wo fee xottiiduuma no cat adna soo xoytong na xa cegel axe moƴna o liitoox, wo fee layuuma yee: ‹Wo refu o tag es. Kaam jilong too deɓiroong muk›,

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

Efees 2:6

Roog a nomtiida a in no ñoow ole kam mbokatoor in fa Kiristaa Yeesu, ndax i maadoox fo ten kam asamaan.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

O leetar ole Pool a bindna GIMU WE NGENNA ROM 1:6

Nuun itam nu mboga no weene Yeesu Kiristaa a xoyna.

O leetar ole Pool a bindna GIMU WE NGENNA ROM 8:21

too xan pindel keene fa qoox den a mbatel na yastax ale, ndax da njeg a qoox den no ndam onqe xa ƥiy Roog a ndaawna.

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

Galati 5:8

Keene o mat hatee na Roog fee xoyna a nuun.

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.