O leetar ole Pool a bindna GIMU WE NGENNA ROM 8:29 - NQAARIIT NE ROOG

²⁹ Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

O leetar ole Pool a bindna GIMU WE NGENNA ROM 8:29 Referans Kwoze

Yeremi 1:5

«Yaaga moolafuliroong sax no fud ya of, and’aaxoong, too yaaga rimafulaandee, kesan’oong a xoox es, dalnong o tuleer qeet ke.»

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

1 Korint 15:49

Ne i ndefitna nitaal no xe lanq, neene i ndefitkaa nitaal no xe na asamaan.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

O leetar ole Pool a bindna GIMU WE NGENNA ROM 11:2

Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

YEGIL MBAAX NE YEESU ne Saŋ a bindtuuna 17:16

Ne fogteeruuma na adna fee, a mbogteeru teen itam.

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

Efees 4:24

Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

A sutax ale 33:17

Maaga, o Yaal oxe a laya a Moyiis ee: «Xam fi ke o xeɗaxam, yaam ci’aaxoong yirmande es too andaaxoong tigi.»

Mace 12:50

Yaam oxuu na fi’aa ke Faap es fee na asamaan a bugna, o ndeɓ es o ngoor oo, o ndeɓ es o ndew oo, ya es oo.»

A sutax ale 33:12

Moyiis a laya o Yaal oxe yee: «Wo heblaxam um ɗox xeet feeke, too layiraamo sax oxe o yoonanditkaxam. Yaag oo toox de, wo layu yee: ‹Andaaxoong tigi, too ci’ong yirmande es.›

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

Mace 7:23

A koom, xam faambir fa den, lay a den ee: Mosiim o and a nuun. Ngoƭaamoo, nuun we na mbi’aa paaxeer!»

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

YEGIL MBAAX NE YEESU ne Saŋ a bindtuuna 17:19

Tedlandaam a xoox es yaam den, ndax da tedit no ndigil ne.

A kim a tedu ke 89:27

Xan a xoyaxam ee: ‹Wo refu Faap es, wo ref Roog es, ɓil jaɓnooxand es.›

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Mace 28:10

Yeesu a laya a den ee: «Ba nu ndiid, ndaa ndetyo lay xa teɓ es i nqetik Galile. Maaga a nga’itkaxam.»

1 Korint 8:3

Kaa koy, oxuu fexna a Roog, Roog a andaan.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.