O leetar ole Pool a bindna GIMU WE NGENNA ROM 8:28 - NQAARIIT NE ROOG

²⁸ I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

O leetar ole Pool a bindna GIMU WE NGENNA ROM 8:28 Referans Kwoze

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

Mberaand 50:20

Kaa nu yuuɓan’aam paaxeer, Roog a suptin paax, a fadin ke na xewaa ndiiki, soo a mucil o ñis no xeet fa maak.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Korint 1:9

Roog gor oo, ten fee fokatna a in fa Yeesu Kiristaa fee o Ƥeem, o Yaal in.

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

A sutax ale 20:6

Kaa koy, naagaam o yirmaa boo no wiin cuni-cuni we mbexaxama, a ngayaa kebil es.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Nehemi 1:5

soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

1 Tesalonik 5:9

Yaam Roog jagandanee a in a qaw um, ndaa kaa bug i njeg a muc ale na pexey o Yaal in Yeesu Kiristaa.

Mark 12:30

Xan o fex o Yaal oxe Roog of no xeeñ of fop, no laaw of fop, na qalaat of fop fo na doole of fop.›

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.

A cangatin ale 6:5

Xan o fex o Yaal oxe Roog of no xeeñ of fop, no laaw of fop fo na doole of fop.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

1Saŋ 4:19

In o mat, kaa i mbexin, yaam ten eetu o fex a in.

A cangatin ale 8:16

A ñaamnoora a nuun kam a koƥ-a-ƥor ale maan fee daan nuun a and’eerna. A doona a nuun coono, ndax ta ɗeetloox a nuun, cinj kaaga ta fi’an a nuun paax.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

A kim a tedu ke 69:36

yaam xan Roog a mucil a Siyoŋ soo a maxatin teeru ke Yudaa. Xeet um xan a ngenatin a den, a njegat a den.

2 Korint 5:1

A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

Galati 5:8

Keene o mat hatee na Roog fee xoyna a nuun.

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

Yeremi 51:29

Lanq ke kaa ngiiƈ-ngiiƈnaa, a yo’nooxaa, ye o Yaal oxe a fadnaa ke ta yuuɓanna a Babilon. Xan a fi a Babilon o mbiñ o mbootu, saax laa o leng a genateerna.

2 Sami’el 16:12

Xeƈa xan o Yaal oxe a ga naqad es, soo a salax ake salooxeema xaye, ta supit a den barke.»

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

1 Korint 1:24

Kaa koy, no we ngimna fop, ta ref o Yaawuur mbaat o tefee o Yaawuur, Kiristaa refu doole fo o jeg-yiif ole Roog.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

1 Piyeer 3:9

Ba nu ndakin paaxeer ke fo paaxeer mbaat wen le fo wen. Kaa nu mbar o mbarke’aa kañ, yaam no keene Roog a xoyit’u a nuun, ndax nu lam barke um.