O leetar ole Pool a bindna GIMU WE NGENNA ROM 8:27 - NQAARIIT NE ROOG

²⁷ Roog fee na ga’aa kam xeeñ, a anda ke Yiif Tedu le a bugna o xeɗ. Yiif le koy, kaa xeɗanaa we mbogna na Roog, ne Roog a bugtuuna.

O leetar ole Pool a bindna GIMU WE NGENNA ROM 8:27 Referans Kwoze

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

A pi ake 1:24

Cinj kaaga, den fop a nqeɗa yee: «O Yaal oxe, wo fee andna a qeeñ ake no wiin we fop, lali a in o leng oxe jiloona no ɗik weeke,

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

Xa peƭit axe 17:3

Xaaliis fa wurus kaa ƭeetloorteel fiɗel, a qeeñ ake mat o Yaal oxe na ɗeetlooxaa a den.

A pi ake 15:8

Yaam Roog fee andna a qeeñ ake no wiin we a seede’ana a den no Yiif Tedu le ta ci’na a den ne ta ci’tuuna a in.

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

Mace 6:8

Ba nu nand fa den, yaam Roog Faap nuun a anda ke nu soxla’na boo nu ngelko fo nqeɗan o ten.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

Yeremi 11:20

Kaa koy, wo o Yaal oxe Hupna fop, kaa o hate’taa o cofel, horooxaa a pug fo a qalaat a ƭasu ke no wiin we. Xam ga ndabdinax of took den, yaam wo doxnum nqeloor es.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

YEGIL MBAAX NE YEESU ne Saŋ a bindtuuna 14:13

Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

A kim a tedu ke 38:9

Jegatiim o ndoole, ɗeg cut. Kaam iinaa yaam o jaq ole no xeeñ es.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

A kim a tedu ke 139:1

O yaal a ƭat ale no jeejeek we a xoolne yee a kim a tedu lene kaa fog na ke Dawid. O Yaal oxe, kaa o horooxaam, too andaxamo a paax.