O leetar ole Pool a bindna GIMU WE NGENNA ROM 8:26 - NQAARIIT NE ROOG

²⁶ Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

O leetar ole Pool a bindna GIMU WE NGENNA ROM 8:26 Referans Kwoze

Mace 10:20

Refee yee nuun na laykaa, ndaa Yiif le Faap nuun fee refna na asamaan na laykaa na nuun.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

A kim a tedu ke 6:9

Ngoƭaamoo nuun fop we na mbi’aa paaxeer, yaam o Yaal oxe a nana xa lool es.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

Saak 4:3

Nu nqeɗangaa a Roog sax, ndax ta ci a nuun tig, ci’kiran a nuun, yaam a qeƭooƭ nuun faaxee. Kaa nu nqeɗaa ndax nu mbadin a yuxum nuun.

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

YEGIL MBAAX NE YEESU ne Lik a bindtuuna 22:44

Ne ta naqadiloox’ina, a dakooxa o xeɗ fo daalbe waa ten, too onj le ten kaa fi’’u nen toq fo’oy kaa na yenaa a lanq.]

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

A kim a tedu ke 10:17

O Yaal oxe, kaa o nan-gilooxaa ke neewandooxu we a yakaƥaaraa, soo ɓaataa a den njambaar. Kaa o rungaa nof of farna fa den,

2 Korint 5:2

Ten taxu i iinaa kam ƭiif neene, yaam i tayaa o ndok kam ngenand in njegee sik ne refna took.

Mace 20:22

Yeesu a doonaan ee: «Nu andee ke nu nqeɗaa. Ndax nu mbaaga o yer o kaas coono le waruuma yer?» A layaan ee: «I mbaagaan.»

A kim a tedu ke 102:5

Xeeñ es kaa weeraa nen daaƭ gube, yaam kaam weec o ñaam.

A kim a tedu ke 6:3

O Yaal oxe, yirmaam, yaam kaam ñak doole. Wodandaam, o Yaal oxe, yaam kaam sendaa ne fodeema fop,

Hebre 5:2

O saasadax oxeene koy kaa hees. Ten taxu a waaga o muñanaa we na njuumaa yaam a ñak-o-and.

O leetar ole Pool a bindna GIMU WE NGENNA ROM 7:24

Ndaw o kiin o toroxu xe refuuma! O koo, an na mucilkaxam no cer es kene na ƥiskaxam na fa nqon?

A kim a tedu ke 69:3

Kaam meexaa kam lopopooƈ le dayeerna. Mexey no xooɗ-ee-xooɗ le no poofi ke, a yag-ee-yag ake a palaƈaa took es.

A kim a tedu ke 102:20

yaam kaa rungnooxit no mbiñ o tedu nqe ten took-ee-took, a fod na asamaan, a ɗeetaa lanq ke,

Ke bindeena no xe ne’eena YOB 37:19

Andnoorangi a in ke i mbarna o lay a Roog. In de, kaa i ndef no niɓaan, ten taxu i mbaagee o ndoon dara.

A ƭomatax ake 3:56

Nanaa o ñuxur es, ba o nuunufaanoox xa iin es fo xa buuq es.