O leetar ole Pool a bindna GIMU WE NGENNA ROM 8:25 - NQAARIIT NE ROOG

²⁵ Mee ndax boo i yaakaaraa ke i nga’eerna, kaa i cungtan o muñ.

O leetar ole Pool a bindna GIMU WE NGENNA ROM 8:25 Referans Kwoze

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

Mberaand 49:18

O Yaal oxe, na wo geƈnooxum, ndax o mucil.

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

Esayi 25:9

A koom oxuu refna a lay ee: «Roog in oxey, no ten i ndoon’u yaakaar in, too ten o mat muclu a in. O Yaal oxe xey, no ten i ndoon’u yaakaar in. Fat i ndef no ɗaay too mbelakinoox na muc ale i ndaawitna no ten.»

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

Esayi 26:8

Wo o Yaal oxe, wo i yaakaaru na ƭat ale no kate ke wo. Ke xa laaw in a mbugna, refu o ne’aa gon of, a ƈufginooxang.

A kim a tedu ke 62:1

O yaal a ƭat ale no jeejeek we a xoolne yee a kim alene kaa saq o jangooƭ ole Yedutun. A kim a tedu laa fogna na ke Dawid oo.

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Hebre 6:15

Abraham a cungooga fo o muñ, too neene a daawa ke Roog a regit’ina.