O leetar ole Pool a bindna GIMU WE NGENNA ROM 8:24 - NQAARIIT NE ROOG

²⁴ I mucle boo ƈut, ndaa boo ndiik kaa i ndef no yaakaar. Kaa koy ke ga’oona boo ƴut refatee yaakaar. An na moofkaa a yaakaaraa ke ta ga’na boo a ƴut?

O leetar ole Pool a bindna GIMU WE NGENNA ROM 8:24 Referans Kwoze

Hebre 11:1

O ngim kaa ref ke na woornaa o kiin yaakaar ne ta jegna, a andnooran itam ee ke jegna too ga’iran ndigil kak oo.

2 Korint 5:7

Kaa i ñaaƴtaa o ngim onqe, ndaa refee fo ke i mbaagna o nga.

2 Korint 4:18

Ke i ngorooxaa koy refee ke na yulaa a kid in, ndaa ke i mbaageerna o nga, yaam ke yulna a ngid of kaa faafaa. Ke waagaandeena o ga koy, jegee muukandoong.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

O leetar ole Pool a bindna GIMU WE NGENNA ROM 5:2

No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

Galati 5:5

In koy, i yaakaara yee xan Roog a jofandit a in o ngim. Keene i cungaa no Yiif Tedu le Roog.

A kim a tedu ke 146:5

Ndaw o ɗaay no xe ƈufig um a refna Roog fee Yakoob, yaakaar um a ref no Yaal oxe Roog um,

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

1 Korint 13:13

Yaaga koy, tig tadik kene rek saƭku, too den na yoqkaa, ta ref o ngim fo yaakaar fo o mbeq, ndaa ke moƴna o magin no tadik keene refu o mbeq.

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

Yeremi 17:7

Kaa koy, o koor oxe hoolooxna o Yaal oxe too a doxnoox no ten, a barke’e.

A kim a tedu ke 33:18

A kid no Yaal oxe kaa ngaan took no we saɗaruuna too a yaakaaraa o mbeq um,

A kim a tedu ke 33:22

O Yaal oxe, yaasam o mbeq of a xay took in, yaam ne i ƭagna yaakaar in na wo.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

O leetar ole Pool a bindna GIMU WE NGENNA ROM 4:18

Abraham a gima na Roog, a yaakaaraa maa yaakaar a jegeerna sax. Ten taxu, a ref’ata o taan no qeet mayu, ne Roog a laytuuna o ten ee: «Neene o mat xa taan of a mbodkaa.»

O leetar ole Pool a bindna GIMU WE NGENNA ROM 8:20

Pindel ke fop kaa yen no kaa jegeerna muj fa leng. Refee koy no kaa felna a den, ndaa Roog sax sax fi’un. Yaqanee koy yaakaar a jega,

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.